Sport

Biles flutt á spítala og er þakk­lát að vera á lífi

Valur Páll Eiríksson skrifar
Simone Biles segir upplifunina hafa verið eina þá hræðilegustu á ævinni.
Simone Biles segir upplifunina hafa verið eina þá hræðilegustu á ævinni. Stefan Matzke - sampics/Getty Images

Fimleikakonan Simone Biles, sem er talin á meðal betri íþróttamanna sögunnar, birti færslu á samfélagsmiðlinum Instagram þar sem hún greinir frá því að hún hafi næstum því látið lífið. Hún hefur verið að jafna sig á spítala.

Færslan er heldur óskýr og ekki kemur fram hvað ami að Biles eða hvað hafi komið fyrir hana. Hún segist ætla að skýra betur frá því síðar.

Hún segist einfaldlega hafa næstum því dáið, hafi hræðst mjög og hafi þurft að liggja á spítala.

„Ég legg það ekki í vana minn að deila færslum eins og þessum vegna þess að mér þykir vænt um friðhelgi einkalífsins. En að deyja næstum því var ekki á bingó-spjaldinu mínu í þessari viku,“

„Þetta var ein af, ef ekki, hræðandi upplifun lífs míns, sérstaklega þar sem Jonathan var í Indy við æfingar,“ segir Biles og vísar til eiginmanns síns Jonathan Owens sem leikur með Indianapolis Colts í NFL-deildinni.

„Ég hef verið rúmliggjandi í þessari viku og mun skýra betur frá þessu síðar. En ég sendi kveðjur á mitt helsta fólk sem hefur haft samband, kíkt í heimsókn eða sent blóm. Ég elska ykkur,“

Biles vann til ellefu verðlauna á Ólympíuleikum og til 30 verðlauna á heimsmeistaramótum í fimleikum. Hún er sigursælasta fimleikakona sögunnar.

Fimleikar

Mest lesið


Fleiri fréttir

Sjá meira


×

Mest lesið