Marka­veislan í bikarnum: Nýir menn stimpla sig ræki­lega inn

Lengjudeildar lið Þróttar Reykjavíkur gerði sér lítið fyrir og lagði ÍBV að velli er liðin mættust í Vestmannaeyjum í leik sem fór alla leið í vítaspyrnukeppni. Staðan eftir venjulegan leiktíma og framlengingu var 2-2.

Öflugir FH-ingar

FH lenti undir gegn Þór í 32-liða úrslitum Mjólkurbikars karla í dag en kom til baka og vann 2-4 sigur. Adolf Daði Birgisson skoraði tvö mörk í leiknum í Boganum. Afar vel að verki staðið hjá FH-ingum Jóhannesar Karls Guðjónssonar sem margir efast um að geti gert sig gildandi í sumar, það var ekki að sjá í Boganum.

Íslandsmeistararnir koma á góðu skriði í Bestu

Lið ríkjandi Íslandsmeistara Víkings Reykjavíkur lagði Fram að velli 2-4 þar sem að einn af nýju leikmönnum liðsins, Elías Már Ómarsson, skoraði eitt af mörkum Víkings. 

Umfjöllun um leikinn:

Viðtal við markaskorarann Elías Má:

Djuric búinn að stimpla sig inn

KA átti ekki í vandræðum með að tryggja sér sæti í 16-liða úrslitum Mjólkurbikars karla. Liðið vann 5-0 sigur á Hetti. Nýr leikmaður KA, Danijel Dejan Djuric skoraði eitt af mörkum KA.

Formsatriði hjá Blikunum

Kristófer Ingi Kristinsson skoraðu tvö af sex mörkum Breiðabliks er liðið bar öruggan 6-1 sigur úr býtum gegn öðru deildar liði Kormákar/Hvöt.