Þremur vísað úr landi eftir að hafa stolið fatnaði

Þremur erlendum ríkisborgurum á tvítugsaldri hefur verið vísað frá Íslandi eftir að þeir voru handteknir í miðborg Reykjavíkur eftir hádegi í gær grunaðir um þjófnað.

Fram kemur í tilkynningu frá lögreglunni á höfuðborgarsvæðinu að mennirnir hafi verið handteknir í kjölfar ábendinga um þjófnað á svæðinu og færðir á lögreglustöð. Við yfirheyrslur játuðu þeir sök.

Þremenningarnir stálu fatnaði sem lögregla lagði hald á og kom aftur í hendur eigenda. Mennirnir höfðu aðeins dvalið á Íslandi í nokkra daga þegar málið kom upp.