Líkams­á­rás í verslunar­mið­stöð

Þetta kemur fram í dagbók lögreglunnar á höfuðborgarsvæðinu. Klukkan fimm í morgun voru sex vistaðir í fangageymslu lögreglunnar.

Einn var handtekinn í Hlíðunum fyrir vopnalagabrot og hótanir og annar í miðbæ Reykjavíkur fyrir brot gegn lögreglusamþykkt. Þá var töluverður fjöldi sem ók undir áhrifum fíkniefna og/eða áfengis og voru þeir stöðvaðir. Einn þeirra var handtekinn en hann hafði framið rán, líkamsárás og tekið strætisvagn ófrjálsi hendi.

Einn var handtekinn í Garðabæ fyrir ölvun á almannafæri og fyrir að hlýða ekki fyrirmælum lögreglu. Hann veittist í framhaldinu að lögreglumönnunum með ofbeldi og hótunum.