Vaktin: Sau­tján vélar á röngum velli og flug­ferðum af­lýst

Snjó kyngdi niður á Keflavíkurflugvelli upp úr klukkan 14 í dag sem gerði snjóruðning erfiðan og dró úr skyggni við flugstöðina. Um tíma var töluverður fjöldi flugvéla í biðstöðu og hringsóluðu yfir Suðurlandið á meðan flugstjórar biðu leyfis til að lenda. 

Flugfélögin ákváðu að vísa vélunum til Reykjavíkur, Egilsstaða og Akureyrar. 

Hér má sjá flugumferð milli 14.30 og 16.30 á 150-földum hraða.

Guðjón Helgason upplýsingafulltrúi Isavia sagði að sautjáun vélar hafi þurft að hverfa frá lendingaráformum á Keflavíkurflugvelli. Alls hafi sex vélar lent í Reykjavík; fimm Icelandair-vélar og ein hervél. Átta Icelandair-vélar hafi svo lent á Akureyri. Þrjár hafi lent á Egilsstöðum, tvær frá Icelandair og ein frá Discovery.

Ástandið stóð yfir til klukkan 16.30.  Stefnt er að því að öllum farþegaþotunum verði flogið aftur til Keflavíkurflugvallar; Discovery-vélin lagði af stað til KEF um klukkan 18 og upplýsingafulltrúi Icelandair segir að öllum fimmtán vélum félagsins verði að óbreyttu  flogið til Keflavíkur í dag. Farþegar munu bíða inni í vél, að sögn Icelandair.

Ef vaktin birtist ekki er ráð að endurhlaða (e. refresh) síðunni.