Körfubolti

„Mér er al­veg sama hvað aðrir halda“

Sesselja Ósk Gunnarsdóttir skrifar
Jeremy Pargo er mættur aftur á klakann.
Jeremy Pargo er mættur aftur á klakann. Vísir/Guðmundur

Grindavík vann öflugan sigur á Keflavík í 17. umferð Bónus deild karla í kvöld, 99-105. Jeremy Pargo snéri aftur í lið Grindavíkur eftir að félagið ákvað að skipta um Bandaríkjamann.

„Þetta var góð byrjun í fyrsta leiknum mínum hérna aftur. Það voru nokkur andleg mistök í vörninni, en þetta var fyrsti leikurinn minn svo við þurfum að fara yfir það í vikunni og vera klárir fyrir næstu viku,“ sagði Pargo, eftir sigur liðsins.

„Við þurfum að taka okkur á í vörninni, en sóknarlega erum við í lagi. Við verðum að laga smáatriðin sem draga úr því að við sýnum góða frammistöðu varnarlega.“

Ákvörðun Grindavíkur að skipta um Bandaríkjamann kom mörgum á óvart og sérfræðingar Bónus Körfuboltakvölds lýstu efasemdum sínum um hana. Jeremy Pargo lét þær vangaveltur ekki hafa nein áhrif á sig.

„Nei, mér er alveg sama hvað aðrir halda, ég veit ekki einu sinni hverjir þeir eru og hef ekkert heyrt heldur. Mér er bara alveg sama.“




Fleiri fréttir

Sjá meira


×