Hræði­legt fall á Ólympíu­leikunum hjá fyrrum silfurhafa

Liu var að keppa í undankeppni kvenna í hálfpípu í Livigno. Hún féll illa í síðasta stökkinu og lá hreyfingarlaus á jörðinni í langar og ógnvekjandi mínútur. Hún hafði lent illa á vinstri handlegg og öxl.

Liu þurfti eitthvað sérstakt til að koma sér í úrslitin. Í annarri ferð sinni reyndi Kínverjinn að ná tíma sem myndi koma henni meðal tólf efstu í úrslitin.

En í síðasta stökkinu festist brettið hennar í snjónum á óeðlilegan hátt sem á sekúndubroti kom henni úr jafnvægi fram á við í lendingunni og olli því að hún missti alla stjórn.

Liu lenti illa á vinstri handlegg og öxl áður en andlit hennar og magi skullu í jörðina sem olli því að hún beygðist aftur á bak og tók heljarstökk niður pípuna.

Áreksturinn var harður og tónlistin í Livigno þagnaði samstundis og keppnin var stöðvuð í tíu mínútur svo sjúkralið gæti sinnt Jiayu – í um átta mínútur – gert hana óhreyfanlega og flutt hana á sjúkrabörum af keppnissvæðinu til bráðaflutnings á sjúkrahús.

Áhorfendur brutu þögnina með dynjandi lófaklappi. Fyrstu fréttir er að hún hafi sloppið við mænuskaða.

Bylta Liu kom mörgum á óvart þar sem silfurverðlaunahafanum frá PyeongChang var spáð einu af fimm efstu sætunum og sæti í úrslitunum á fimmtudagskvöld.

Goðsögnin í snjóbrettum, Chloe Kim, endaði í fyrsta sæti í undankeppninni og kemst áfram í úrslitin í kvöld.

Yfirburðaframmistaða hinnar 25 ára gömlu leggur grunninn að sögulegri tilraun til að vinna þriðju gullverðlaunin í röð en Kim sagði í gríni: „Ég er kannski betri á snjóbretti en ég er að ganga.“