Berjast við tals­verðan sinueld við Sel­foss

„Þetta er talsverður eldur. Það er þurrt úti núna og létt gola þannig að þó að jörð sé frosin þá brennur nú sinan glatt. Það er trjárækt þarna ekki langt frá þannig ég hef nú trú á að það takist að leysa þetta hratt og örugglega. En það er þó ekki á vísan að róa í því, ef að það er einhver gustur með og sinan er þurr og frostið gerir okkur svolítið erfitt fyrir stundum varðandi vinnu með vatn,“ segir Pétur.

„En alla veganna erum við með sveit vaskra manna að vinna í þessu núna og vonum að það skili góðum árangri,“ segir Pétur. Hvorki, fólki, mannvirkjum né skepnum ætti að stafa hætta af eldinum líkt og staðan er nú að sögn Péturs.

Ekki liggur ljóst fyrir hvað olli upptökum eldsins að svo stöddu, en samkvæmt upplýsingum fréttamans á vettvangi leikur grunur á um að kviknað hafi í út frá skoteldi. Í dag er þrettándinn, sem er jafnframt síðasti dagurinn í bili þar sem leyfilegt er að sprengja flugelda. Pétur biðlar til almennings og þeirra sem hyggjast sprengja flugelda eða fara með eld í tilefni þrettándans að fara varlega, ekki síður í ljósi aukinnar hættu á sinubruna.

Fréttin hefur verið uppfærð.