Lands­bankinn breytir fram­boði á lánum eftir vaxtadóminn

Verðtryggð íbúðalán til fyrstu kaupenda verða veitt til tuttugu ára og verða á föstum vöxtum út lánstímann, að því er segir í tilkynningu Landsbankans í morgun. Slík lán hafa lengi verið til allt að fjörutíu ára á Íslandi.

Breytingarnar sem tilkynnt var um ná aðeins til nýrra lána hjá bankanum og eru sagðar hafa engin áhrif á þá sem eru þegar með íbúðalán. Fjöldi annarra lánastofnanna hefur tilkynnt um breytt framboð á lánum eftir dóm Hæstaréttar um vexti hjá Íslandsbanka.

Fyrstu kaupendur fá allt að 85 prósent verðmæti eignar að láni en aðrir áttatíu prósent. Lánstími getur verið allt að fjörutíu árum.

Hætt verður hafa sérstök grunnlán auk viðbótarlána á hærri kjörum og þess í stað verða íbúðalán fram eftir í einu láni.

Hægt að festa vexti til eins árs

Breytilegir vextir á nýjum óverðtryggðum íbúðalánum bera nú fast vaxtaálag ofan á stýrivexti Seðlabankans á hverjum tíma. Skilmálinn slíkra lána hjá Íslandsbanka sem Hæstiréttur dæmdi ólöglegan fyrr í þessum mánuði varðaði til hvaða þátta bankinn tæki tillit til þegar hann tæki ákvarðanir um vexti.

Þá ætlar Landsbankinn nú að bjóða upp á að hægt sé að festa vexti óverðtryggðra íbúðalána til eins árs en áður var aðeins hægt að festa þá til þriggja eða fimm ára. Vextir á lánum með fasta vexti til eins árs verða 8,60 prósent en ekkert uppgreiðslugjald verður á þeim.

Bankinn segir að með því að festa vexti til annað hvort eins, þriggja eða fimm ára fáist bestu vextir hans á íbúðalánum sem séu frá 8,15 prósentum. Vextirnir taki mið af veðsetningarhlutfalli.