Svona verður hægt að horfa á enska boltann í vetur

Frá og með 1. ágúst verður ekki hægt að horfa á sjónvarpsefni á miðlum Sýnar öðruvísi en í gegnum myndlykla eða smáforrit Sýnar.

Ódýrasta leiðin til að tryggja sér aðgang að enska boltanum verður með áskriftarpakka að sjónvarpsstöðvum Sýnar upp á 11.990 krónur. Innifalið í þeim pakka eru, auk alls efnis Sýnar plús, allt íþróttaefni Sýnar, þar með talið Meistaradeild Evrópu.

Hægt verður að kaupa áskrift að innlendu íþróttaefni, Sýn sport Ísland, á 8.990 krónur á mánuði.

Ódýrasta áskriftarleiðin hjá Sýn er 5.990 krónur, og er ekkert íþróttaefni innifalið í þeim pakka.

Þá verður einnig hægt að kaupa pakka sem inniheldur netáskrift frá Sýn, aðgang að Sýn+ og öllu íþróttaefni Sýnar sport, á 19.990 krónur.

Ódýrasti netpakkinn hljóðar upp á 14.990 og inniheldur netáskrift og aðgang að Sýn+.

Verð netáskriftar með íslenska íþróttapakkanum er 17.990 krónur á mánuði.

Hægt er að lesa nánar um áskriftarleiðir á vefsíðu Sýnar.

Vísir er í eigu Sýnar.