Efling ungmennastarfs í Breiðholti meðal aðgerða

Silja Rún Sigurbjörnsdóttir skrifar 31. mars 2025 18:09

Ásmundur Einar Daðason, þáverandi mennta- og barnamálaráðherra, ávarpar aðgerðahópinn á fyrsta fundinum í september 2024. Stjórnarráðið

Fyrstu stöðuskýrslu frá aðgerðahóp vegna ofbeldis meðal barna hefur verið skilað. 25 aðgerðir hafa verið samþykktar til að sporna gegn ofbeldi meðal barna og gegn börnum. Aðgerðahópurinn var stofnaður í júní 2024 með það að markmiði að sporna við þróun í átt að auknu ofbeldi meðal barna og ungmenna.

Meðal aðgerða er stuðningur við meðferðarúrræði Barna- og fjölskyldustofu en í lok ársins 2023 hafi aldrei verði jafn margir á biðlista þar. Meðferðarheimilið Stuðlar eru hluti af Barna- og fjölskyldustofu en heimilið er komið að þolmörkum og voru börn send á lögreglustöðina í Flatahrauni í neyðarvistun vegna þess.

„Áskoranir eru uppi er varða meðferðarúrræði BOFS vegna ýmissa atvika sem komu upp 2024 þar með talið í myglu í húsnæði Lækjarbakka og eldsvoðans á Stuðlum,“ stendur í skýrslunni.

Þá er önnur aðgerð að efla ungmennastarf í Breiðholti, en einnig hefur mikið verið fjallað um ofbeldi barna þar. Hermann Austmann, faðir stúlku í Breiðholtsskóla, sagði frá að fámennur hópur barna í skólanum beiti aðra nemendur grófu andlegu og líkamlegu ofbeldi.

Markmið aðgerðahópsins er að auka aðgengi ungmenni í Breiðholti sem eru í viðkvæmri stöðu að skipulögðu frístunda- og félagsstarfi. Skipulagt ungmennastarf hefur verði tvisvar í viku í hverfinu og hefur hún verið kynnt fyrir börn sextán ára og eldri í hverfinu. Ofbeldismálum veði vísað í úrræði sem séu í boði hjá sveitarfélaginu og þau tilkynnt til barnaverndar og lögreglu

Skýr samskipti og ný framtíðarsýn

Heilbrigðisráðuneytið tekur að sér nokkrar aðgerðir, svo sem að móta framtíðarsýn heilbrigðisþjónustu við börn sem búa við ofbeldi. Þjónustan eigi að verða þverfagleg og veitt af heilbrigðisstarfsmönnum með sérþekkingu á málefnum barna.

Einnig er ætlunin að skýra samskipta barnaverndar og heilbrigðiskerfisins um afdrif mála hjá barnavernd. Í dag er staðan sú að ofbeldismál sem koma upp í heilsuvernd skólabarna eru tilkynnt til barnaverndar en hjúkrunarfræðingar í grunnskólum hafa ekki upplýsingar um afdrif mála hjá barnavernd. Því viti þeir ekki hvort barnið fái stuðning innan kerfisins vegna ofbeldis eða ekki.

Útbúa á fræðsluefni fyrir heilbrigðisstarfsfólk um rétt viðbrögð og verklag og uppfæra og samræma verklag hjá öllum heilbrigðisstofnunum landsins í heilbrigðisþjónustu við börn sem eru þolendur ofbeldis.

25 aðgerðir

Staða verður tekin á aðgerðunum í júní og september árið 2025 ásamt útgáfa stöðuskýrslu í desember. Þá verður staðan aftur tekin árið 2026.

Aðgerðahópurinn, sem tók til starfa í september 2024, er skipaður fulltrúum mennta- og barnamálaráðuneytisins, dómsmálaráðuneytisins, heilbrigðisráðuneytisins, Sambands íslenskra sveitarfélaga, Miðstöðvar menntunar og skólaþjónustu, Reykjavíkurborgar, Barna- og fjölskyldustofu, heilsugæslu höfuðborgarsvæðisins, embættis ríkislögreglustjóra, lögregluembætta og Heimilis og skóla.

Allar aðgerðirnar 25 má sjá hér:

Auka þverfaglega nálgun í ofbeldismálum meðal barna

Styðja við meðferðarúrræði Barna- og fjölskyldustofu

Koma á verklagi fyrir ósakhæf börn og úrræðum fyrir börn sem beita alvarlegu ofbeldi

Endurskoða meðferð mála og úrræði fyrir sakhæf börn

Efla samfélagslögreglu

Auka viðbragð og sýnilega löggæslu

Auka eftirfylgni vegna brota barna og ungmenna

Innleiða svæðisbundið samráð um allt land

Efla Landsteymi Miðstöðvar mennta- og skólaþjónustu sem styður við börn, foreldra og skóla

Setja á fót úrræði fyrir ungmenni 16–17 ára sem eru hvorki í vinnu né námi (NEET)

Efla ungmennastarf í Breiðholti

Efla Flotann – flakkandi félagsmiðstöð

Auka fræðslu og forvarnir – samfélagsátak

Virkja foreldrastarf í umhverfi barna – SAMAN hópurinn

Hefja alþjóðlegt samvinnuverkefni um sjálfbært samfélag

Koma á skimun fyrir ofbeldi í grunnskólum landsins

Útbúa leiðbeiningar fyrir heilbrigðisstarfsfólk til að bregðast við vegna limlestinga á kynfærum barna

Uppfæra og samræma verklag hjá öllum heilbrigðisstofnunum landsins í heilbrigðisþjónustu við börn sem eru þolendur ofbeldis

Útbúa fræðsluefni fyrir heilbrigðisstarfsfólk um rétt viðbrögð og verklag

Skýra samskipti barnaverndar og heilbrigðiskerfisins um afdrif mála hjá barnavernd

Samræma á landsvísu verklag við heilbrigðisþjónustu (skoðun og sýnatökur) þegar grunur er um að barn hafi orðið fyrir kynferðisofbeldi

Móta framtíðarsýn heilbrigðisþjónustu við börn sem búa við ofbeldi

Auka stuðning við 1., 2. og 3. stigs þjónustu í öllum sveitarfélögum vegna farsældar

Styðja við innleiðingu framkvæmdaáætlunarinnar í barnavernd 2023–2027

Samhæfa aðgerðir gegn ofbeldi og móta stefnu til framtíðar

Aðgerðaáætlunina má lesa í heild sinni hér.

Ofbeldi barna Ofbeldi gegn börnum Vopnaburður barna og ungmenna Reykjavík Heilbrigðismál Skóla- og menntamál

Tengdar fréttir

Svona var Pallborðið um ofbeldisöldu hjá ungmennum

Undanfarnar vikur hefur mikið verið fjallað um ástand í Breiðholtsskóla þar sem hópur stráka í sjöunda bekk ásamt fleiri úr öðrum skólum hafa haldið hverfinu í heljargreipum. Málið var rætt í Pallborðinu á Vísi í dag.

20. mars 2025 11:31

Mest lesið

Fleiri fréttir