Innlent

Fékk net í aðalskrúfuna og dreginn í land

Jón Ísak Ragnarsson skrifar
Skipin komu til hafnar um fimmleytið.
Skipin komu til hafnar um fimmleytið. Landsbjörg

Húnabjörg, björgunarskip Landsbjargar á Skagaströnd, var kölluð út upp úr klukkan níu í morgun vegna fiskibáts sem staddur var utarlega í Húnaflóa. Net höfðu farið bæði í aðalskrúfu bátsins sem og hliðarskrúfu og ekki var hægt að sigla bátnum fyrir eigin vélarafli. 

Húnabjörgin lagði úr höfn á Skagaströnd skömu fyrir klukkan tíu, en á vettvangi var hæglætis veður og lítil hætta á ferðum, að því er segir í tilkynningu Landsbjargar.

„Sigling Húnabjargar, sem er eitt af eldri björgunarskipum félagsins, tók rétt um tvo tíma og um hádegisbil var búið að koma taug á milli og haldið í átt til Skagastrandar.“

Dráttur hafi gengið vel, þó hægt hafi verið farið. Skipin hafi siglt til lands á um 6 til 7 sjómílna hraða.

Skipin komu til hafnar á Skagaströnd um fimmleytið eftir áfallalausa heimsiglingu.

Landsbjörg
Vísir/Vilhelm
Björgunarsveitir Skagaströnd

Mest lesið


Fleiri fréttir

Sjá meira


×

Mest lesið