Valur hafnaði til­boði Breiða­bliks í Aron Jó

Fjölmiðlamaðurinn Hjörvar Hafliðason greindi fyrstur frá því á X-síðu sinni, betur þekkt sem Twitter, að Breiðablik hafi boðið í Aron.

Nú hefur Fótbolti.net fengið staðfest að Breiðablik hafi í raun boðið í leikmanninn og að Valur hafi hafnað tilboðinu.

Hinn 33 ára gamli Aron er að mestu uppalinn hjá Fjölni hér á landi en lék með Blikum sumarið 2005. Hann lék svo sem atvinnumaður í Danmörku, Hollandi, Þýskalandi, Svíþjóð og Póllandi frá 2010 til 2021. 

Athygli vakti þegar Aron valdi að spila fyrir landslið Bandaríkjanna en hann er fæddur þar í landi. Á hann að baki 19 leiki fyrir Bandaríkin, þar á meðal leik á HM 2014.

Aron hefur verið í lykilhlutverki hjá Val síðan hann gekk í raðir félagsins. Liðið endaði í 2. sæti á síðustu leiktíð á meðan Blikar – sem urðu Íslandsmeistarar 2022 – enduðu í 4. sæti.

Samningur Arons rennur út að tímabilinu loknu sem þýðir að hann getur samið við hvaða félag sem á svipuðum tíma og Besta deildin fer á fleygiferð.

Fréttin hefur verið uppfærð.