Viðbrögð við Júró-útspili RÚV: „Galið“ að leggja ákvörðunina á sigurvegarann Hallgerður Kolbrún E. Jónsdóttir skrifar 24. janúar 2024 11:12 Álfur Birkir, Úlfar Viktor, Sigríður Andersen og Máni Pétursson eru meðal þeirra sem hafa furðað sig á nýjasta útspili RÚV. Vísir Ákvörðun Ríkisútvarpsins um að bíða þar til eftir Söngvakeppni sjónvarpsins um að taka ákvörðun um þátttöku í Eurovision í Svíþjóð hefur fallið misvel í kramið hjá landsmönnum. Margir segja þetta útspil galið og vinsælla væri ef Söngvakeppnin væri haldin án möguleika á að fara til Svíþjóðar. Eins og greint var frá í gær ætlar Ríkisútvarpið ekki að taka ákvörðun um þátttöku sína í Eurovision í Svíþjóð fyrr en að lokinni Söngvakeppni sjónvarpsins, sem hefst á laugardag. RÚV hefur verið beitt miklum þrýstingi um að taka ekki þátt í Eurovision vegna þátttöku Ísrael í keppninni. Útvarpsstjóra var nýverið afhentur undirskriftalisti 550 íslenskra tónlistarmanna, þar sem farið var fram á að Ísland drægi sig úr keppninni yrði Ísrael með. Fyrir liggur að Ísrael mun taka þátt í keppninni í Malmö í maí. Útvarpsstjóra var jafnframt afhentur í desember undirskriftalisti níu þúsund manna sem vilja ekki að Ísland taki þátt í keppninni. Við það tilefni sagði Stefán Eiríksson útvarpsstjóri ekki RÚV að taka utanríkispólitískar ákvarðanir. Rúnar Freyr sagði í kvöldfréttum Stöðvar 2 í gær að hugmyndin sé ekki að láta sigurvegarann taka þessa ákvörðun. Ákvörðunin sé alfarið á RÚV en verði tekin í samráði við keppandann sem beri sigur úr býtum. „Engin pressa!“ Nýjasta útspil RÚV í málinu, að taka ekki ákvörðun fyrr en eftir Söngvakeppnina, hefur fallið illa í kramið hjá mörgum. Mikil umræða hefur skapast á samfélagsmiðlum og skrifar Úlfar Viktor Björnsson, sem keppti í Söngvakeppninni í fyrra, til dæmis á Facebook að það sé „galin pæling að leggja þá risastóru ákvörðun á sigurvegara keppninnar hvort hann eigi að freista þess að fara út á þetta flotta svið eða draga sig úr keppni.“ Hann segir að með þessu þurfi að treysta á prinsipp sigurvegarans og að um veruleikafirringu sé að ræða. „Með þessu er RÚV algjörlega að firra sig allri ábyrgð frá því að taka skýra afstöðu gegn þjóðarmorði og kasta henni frekar á unga og upprennandi tónlistarmenn sem eðlilega vilja fátt meira en að láta ljós sitt skína. Það er hrikalega ljótt og illa gert og ég skil ekki að þeir haldi að keppendum sé gerður einhver greiði með því.“ Vignir Rafn Valþórsson, leikari og leikstjóri, gerir stólpagrín að Rúnari Frey Gíslasyni verkefnastjóra á RÚV og Stefáni Eiríkssyni á Facebook. Hann skrifar að þeir félagar leggi, með ákvörðuninni um að taka ekki ákvörðun, ákvörðunina alfarið í hendurnar á sigurvegaranum, sem líklega verði barn á táningsaldri. „Viðkomandi má bara alveg taka þessa ákvörðun sjálft. Engin pressa! Það besta er að þannig get ég haldið í allar auglýsingatekjur, símakosningadæmið OG fríað mig frá allri ábyrgð ef svo ólíklega vill til að „sigurvegarinn“ tekur þá asnalegu (fyrir mig) ákvörðun að halda sig heima.“ „Ég læt alltaf sex ára dóttur mína taka óþægilegar ákvarðanir“ Sigríður Andersen, fyrrverandi þingmaður og ráðherra, vekur athygli á því á Twitter að enginn þingmaður hafi tjáð sig sérstaklega um þessi Eurovision-mál. „Telja þingmenn þetta mál þeim óviðkomandi? Utanríkismálanefnd hefur kannski skoðun á þessari útvistun stefnumótunar í utanríkismálum til óþekkts tónlistarmanns? En kannski bara ekki.“ Ég hef ekki heyrt einn einasta fulltrúa fjárveitingarvaldsins tjá sig um þetta. Telja þingmenn þetta mál þeim óviðkomandi? Utanríkismálanefnd hefur kannski skoðun á þessari útvistun stefnumótunnar í utanríkismálum til óþekkts tónlistarmanns? En kannski bara ekki. https://t.co/zK9UL9IM6r— Sigríður Á. Andersen (@siggaandersen) January 23, 2024 Fjölmiðlamaðurinn Máni Pétursson skrifar um málið í lokaðri Facebook-færslu þar sem hann furðar sig á því að ábyrgðin sé lögð á herðar sigurvegarans. „Sá sem vinnur keppnina fær sem sagt að ráða hvor hópurinn kallar hann hálfvita. Hópurinn sem styður frið eða hópurinn sem kallar alla friðarsinna gyðingahatara. Vá frábær verðlaun.“ Mikil umræða skapaðist undir færslu Mána. Þar segir Arndís Anna Kristínardóttir Gunnarsdóttir þingkona Pírata Mána hafa greint stöðuna ágætlega. Þorsteinn Kolbeinsson tónlistarmaður segir augljóst að RÚV reyni með þessu að „kaupa sér frið“ til að halda keppnina, fá áhorf og auglýsingatekjur. Emil Morávek spyr hvort ákvörðunin sýni ekki bara þroska: „Ég læt alltaf 6 ára dóttur mína taka allar þær ákvarðanir sem mér þykir óþægilegt að taka og gæti þess að ábyrgðin hvíli á henni. Þetta hefur reynst vel á mínu heimili.“ „Aumingjalegt“ útspil Álfur Birkir, formaður Samtakanna ´78, skrifar að ekkert Eurovision-ball verði heima hjá honum í ár, hvorki á laugardaginn, í mars eða í maí. „Á meðan RÚV hefur ekki tekið ákvörðun um að sniðganga Eurovision í Svíþjóð í ár er Söngvakeppni sjónvarpsins ekkert nema framlenging Evrópukeppninnar. Ég get ekki með neinu móti notið þess þegar íslenska þjóðin velur sér framlag til að standa á sviði með áróðursmaskínu Ísrael og ætla því ekki að horfa á Söngvakeppnina eins og ég hef gjarnan gert. Jón Axel Ólafsson útvarpsmaður segir mikið á sigurvegarann lagt. „Sama hvað hann gerir, þá tapar hann. Það er ekki sanngjarnt.“ Páll Magnússon stjórnmálamaður skrifar í athugasemd við færslu Jóns Axels að útspilið sé ekki stórmannlegt hjá RÚV. „Reyndar frekar aumingjalegt - að setja listafólkið í skotlínuna til að koma sjálfu sér í skjól.“ Steinunn Ólína Þorsteinsdóttir leikkona lætur einnig í sér heyra og hún segist ekki hafa áhyggjur af þessu, sigurvegarinn muni að sjálfsögðu taka ómakið af heigulshætti stjórnenda RÚV: Eurovision Ríkisútvarpið Samfélagsmiðlar Átök í Ísrael og Palestínu Tengdar fréttir Stjórnarmaður segir ábyrgðinni varpað yfir á listafólkið án aðkomu stjórnar Stjórnarmaður í Ríkisútvarpinu segir að stjórnendur stofnunarinnar hafi varpað allri ábyrgð á þátttöku Íslendinga í Eurovision yfir á listafólkið sem tekur þátt í Söngvakeppninni. Það hafi verið gert alfarið á aðkomu stjórnar hlutafélagsins opinbera. 23. janúar 2024 22:00 „Þetta er hálft skref í rétta átt“ Daníel Ágúst Haraldsson, sem var einn fjölda tónlistarmanna sem mótmæltu fyrirhugaðri þátttöku Íslendinga í Eurovision, segist fagna því að yfirmenn Ríkisútvarpsins hafi frestað endanlegri þátttöku fram yfir Söngvakeppni sjónvarpsins. Hann hefði þó viljað sjá skrefið stigið til fulls. 23. janúar 2024 18:25 Ákveða sig eftir Söngvakeppnina Ríkisútvarpið ætlar ekki að taka neina ákvörðun um þátttöku sína í Eurovision í Svíþjóð fyrr en að lokinni Söngvakeppni sjónvarpsins. Að óbreyttu verður Ísland meðal þátttökuþjóða í Malmö í maí. 23. janúar 2024 17:10 Mest lesið Ferðamaður réðst á leiðsögukonu: „Ísland hefur brugðist mér“ Innlent Drónaútgerð?: Þingmaður hefur áhyggjur af rússneskum skipum við Færeyjar Erlent „Við þurfum ekki öll að fara á sjúkrahús“ Innlent Ræningjar fjölmenntu með byssur og haka í skartgripabúð Erlent Musk, Thiel og Andrés nefndir í nýjum skjölum Epsteins Erlent Afplána líklegast í fjögur til fimm ár á Litla Hrauni Innlent Ætlar að peppa herforingjana á fundinum fordæmalausa Erlent Ýmsar aðferðir til að ná niður drónum Innlent Verjandi Matthíasar hnýtir í dóminn Innlent Vilja RÚV af auglýsingamarkaði Innlent Fleiri fréttir „Stór húsnæðis- og efnahagspakki“ á leiðinni Afplána líklegast í fjögur til fimm ár á Litla Hrauni Þungir dómar ekki óvæntir og fyrsti vistvangur landsins Ferðamaður réðst á leiðsögukonu: „Ísland hefur brugðist mér“ Byrjað að moka í Hringveginn en talsverð vinna framundan Tíu gistu í fangageymslu og þar af tveir „peruölvaðir“ „Við þurfum ekki öll að fara á sjúkrahús“ Vilja RÚV af auglýsingamarkaði Ýmsar aðferðir til að ná niður drónum Jónína vill taka við af Ásmundi Einari „Við viljum bara finna fyrir öryggi“ Gerður sveitarstjóri Þingeyjarsveitar Þungur dagur, myndir frá óveðrinu og ítrekuð innbrot Verjandi Matthíasar hnýtir í dóminn Anna ljósa fallin frá Ásmundur Einar segir skilið við stjórnmálin Bætir þrepi við greiðsluþátttökukerfið „Ég bý ekki einu sinni í Reykjavík“ Táningsstúlkur dæmdar fyrir að flytja inn efni sem var ekki bannað Ekki liðnir níu dagar þegar það var aftur brotist inn Þungir dómar í Gufunesmálinu: „Það eru ekki alltaf jólin“ Dómsuppkvaðning í Gufunesmálinu og óveður í aðsigi Meirihluti íbúa ánægður með flutning stórtónleika á sunnudag Annar fulltrúa Framsóknar hættur í bæjarstjórn Kópavogs Vímuefnaneysla talin meginorsök banaslyss við Hraunsnef Vaktin: Stefán og Lúkas dæmdir í 17 ára fangelsi Ekki búin að ákveða hvort þjóðaröryggisráð verði kallað saman „Ég hef aldrei séð svona mikið vatn í Jökulsá“ Grindavíkurgersemin Birna Óladóttir fallin frá Kristrún í pallborði með Starmer, Carney og Albanese Sjá meira
Eins og greint var frá í gær ætlar Ríkisútvarpið ekki að taka ákvörðun um þátttöku sína í Eurovision í Svíþjóð fyrr en að lokinni Söngvakeppni sjónvarpsins, sem hefst á laugardag. RÚV hefur verið beitt miklum þrýstingi um að taka ekki þátt í Eurovision vegna þátttöku Ísrael í keppninni. Útvarpsstjóra var nýverið afhentur undirskriftalisti 550 íslenskra tónlistarmanna, þar sem farið var fram á að Ísland drægi sig úr keppninni yrði Ísrael með. Fyrir liggur að Ísrael mun taka þátt í keppninni í Malmö í maí. Útvarpsstjóra var jafnframt afhentur í desember undirskriftalisti níu þúsund manna sem vilja ekki að Ísland taki þátt í keppninni. Við það tilefni sagði Stefán Eiríksson útvarpsstjóri ekki RÚV að taka utanríkispólitískar ákvarðanir. Rúnar Freyr sagði í kvöldfréttum Stöðvar 2 í gær að hugmyndin sé ekki að láta sigurvegarann taka þessa ákvörðun. Ákvörðunin sé alfarið á RÚV en verði tekin í samráði við keppandann sem beri sigur úr býtum. „Engin pressa!“ Nýjasta útspil RÚV í málinu, að taka ekki ákvörðun fyrr en eftir Söngvakeppnina, hefur fallið illa í kramið hjá mörgum. Mikil umræða hefur skapast á samfélagsmiðlum og skrifar Úlfar Viktor Björnsson, sem keppti í Söngvakeppninni í fyrra, til dæmis á Facebook að það sé „galin pæling að leggja þá risastóru ákvörðun á sigurvegara keppninnar hvort hann eigi að freista þess að fara út á þetta flotta svið eða draga sig úr keppni.“ Hann segir að með þessu þurfi að treysta á prinsipp sigurvegarans og að um veruleikafirringu sé að ræða. „Með þessu er RÚV algjörlega að firra sig allri ábyrgð frá því að taka skýra afstöðu gegn þjóðarmorði og kasta henni frekar á unga og upprennandi tónlistarmenn sem eðlilega vilja fátt meira en að láta ljós sitt skína. Það er hrikalega ljótt og illa gert og ég skil ekki að þeir haldi að keppendum sé gerður einhver greiði með því.“ Vignir Rafn Valþórsson, leikari og leikstjóri, gerir stólpagrín að Rúnari Frey Gíslasyni verkefnastjóra á RÚV og Stefáni Eiríkssyni á Facebook. Hann skrifar að þeir félagar leggi, með ákvörðuninni um að taka ekki ákvörðun, ákvörðunina alfarið í hendurnar á sigurvegaranum, sem líklega verði barn á táningsaldri. „Viðkomandi má bara alveg taka þessa ákvörðun sjálft. Engin pressa! Það besta er að þannig get ég haldið í allar auglýsingatekjur, símakosningadæmið OG fríað mig frá allri ábyrgð ef svo ólíklega vill til að „sigurvegarinn“ tekur þá asnalegu (fyrir mig) ákvörðun að halda sig heima.“ „Ég læt alltaf sex ára dóttur mína taka óþægilegar ákvarðanir“ Sigríður Andersen, fyrrverandi þingmaður og ráðherra, vekur athygli á því á Twitter að enginn þingmaður hafi tjáð sig sérstaklega um þessi Eurovision-mál. „Telja þingmenn þetta mál þeim óviðkomandi? Utanríkismálanefnd hefur kannski skoðun á þessari útvistun stefnumótunar í utanríkismálum til óþekkts tónlistarmanns? En kannski bara ekki.“ Ég hef ekki heyrt einn einasta fulltrúa fjárveitingarvaldsins tjá sig um þetta. Telja þingmenn þetta mál þeim óviðkomandi? Utanríkismálanefnd hefur kannski skoðun á þessari útvistun stefnumótunnar í utanríkismálum til óþekkts tónlistarmanns? En kannski bara ekki. https://t.co/zK9UL9IM6r— Sigríður Á. Andersen (@siggaandersen) January 23, 2024 Fjölmiðlamaðurinn Máni Pétursson skrifar um málið í lokaðri Facebook-færslu þar sem hann furðar sig á því að ábyrgðin sé lögð á herðar sigurvegarans. „Sá sem vinnur keppnina fær sem sagt að ráða hvor hópurinn kallar hann hálfvita. Hópurinn sem styður frið eða hópurinn sem kallar alla friðarsinna gyðingahatara. Vá frábær verðlaun.“ Mikil umræða skapaðist undir færslu Mána. Þar segir Arndís Anna Kristínardóttir Gunnarsdóttir þingkona Pírata Mána hafa greint stöðuna ágætlega. Þorsteinn Kolbeinsson tónlistarmaður segir augljóst að RÚV reyni með þessu að „kaupa sér frið“ til að halda keppnina, fá áhorf og auglýsingatekjur. Emil Morávek spyr hvort ákvörðunin sýni ekki bara þroska: „Ég læt alltaf 6 ára dóttur mína taka allar þær ákvarðanir sem mér þykir óþægilegt að taka og gæti þess að ábyrgðin hvíli á henni. Þetta hefur reynst vel á mínu heimili.“ „Aumingjalegt“ útspil Álfur Birkir, formaður Samtakanna ´78, skrifar að ekkert Eurovision-ball verði heima hjá honum í ár, hvorki á laugardaginn, í mars eða í maí. „Á meðan RÚV hefur ekki tekið ákvörðun um að sniðganga Eurovision í Svíþjóð í ár er Söngvakeppni sjónvarpsins ekkert nema framlenging Evrópukeppninnar. Ég get ekki með neinu móti notið þess þegar íslenska þjóðin velur sér framlag til að standa á sviði með áróðursmaskínu Ísrael og ætla því ekki að horfa á Söngvakeppnina eins og ég hef gjarnan gert. Jón Axel Ólafsson útvarpsmaður segir mikið á sigurvegarann lagt. „Sama hvað hann gerir, þá tapar hann. Það er ekki sanngjarnt.“ Páll Magnússon stjórnmálamaður skrifar í athugasemd við færslu Jóns Axels að útspilið sé ekki stórmannlegt hjá RÚV. „Reyndar frekar aumingjalegt - að setja listafólkið í skotlínuna til að koma sjálfu sér í skjól.“ Steinunn Ólína Þorsteinsdóttir leikkona lætur einnig í sér heyra og hún segist ekki hafa áhyggjur af þessu, sigurvegarinn muni að sjálfsögðu taka ómakið af heigulshætti stjórnenda RÚV:
Eurovision Ríkisútvarpið Samfélagsmiðlar Átök í Ísrael og Palestínu Tengdar fréttir Stjórnarmaður segir ábyrgðinni varpað yfir á listafólkið án aðkomu stjórnar Stjórnarmaður í Ríkisútvarpinu segir að stjórnendur stofnunarinnar hafi varpað allri ábyrgð á þátttöku Íslendinga í Eurovision yfir á listafólkið sem tekur þátt í Söngvakeppninni. Það hafi verið gert alfarið á aðkomu stjórnar hlutafélagsins opinbera. 23. janúar 2024 22:00 „Þetta er hálft skref í rétta átt“ Daníel Ágúst Haraldsson, sem var einn fjölda tónlistarmanna sem mótmæltu fyrirhugaðri þátttöku Íslendinga í Eurovision, segist fagna því að yfirmenn Ríkisútvarpsins hafi frestað endanlegri þátttöku fram yfir Söngvakeppni sjónvarpsins. Hann hefði þó viljað sjá skrefið stigið til fulls. 23. janúar 2024 18:25 Ákveða sig eftir Söngvakeppnina Ríkisútvarpið ætlar ekki að taka neina ákvörðun um þátttöku sína í Eurovision í Svíþjóð fyrr en að lokinni Söngvakeppni sjónvarpsins. Að óbreyttu verður Ísland meðal þátttökuþjóða í Malmö í maí. 23. janúar 2024 17:10 Mest lesið Ferðamaður réðst á leiðsögukonu: „Ísland hefur brugðist mér“ Innlent Drónaútgerð?: Þingmaður hefur áhyggjur af rússneskum skipum við Færeyjar Erlent „Við þurfum ekki öll að fara á sjúkrahús“ Innlent Ræningjar fjölmenntu með byssur og haka í skartgripabúð Erlent Musk, Thiel og Andrés nefndir í nýjum skjölum Epsteins Erlent Afplána líklegast í fjögur til fimm ár á Litla Hrauni Innlent Ætlar að peppa herforingjana á fundinum fordæmalausa Erlent Ýmsar aðferðir til að ná niður drónum Innlent Verjandi Matthíasar hnýtir í dóminn Innlent Vilja RÚV af auglýsingamarkaði Innlent Fleiri fréttir „Stór húsnæðis- og efnahagspakki“ á leiðinni Afplána líklegast í fjögur til fimm ár á Litla Hrauni Þungir dómar ekki óvæntir og fyrsti vistvangur landsins Ferðamaður réðst á leiðsögukonu: „Ísland hefur brugðist mér“ Byrjað að moka í Hringveginn en talsverð vinna framundan Tíu gistu í fangageymslu og þar af tveir „peruölvaðir“ „Við þurfum ekki öll að fara á sjúkrahús“ Vilja RÚV af auglýsingamarkaði Ýmsar aðferðir til að ná niður drónum Jónína vill taka við af Ásmundi Einari „Við viljum bara finna fyrir öryggi“ Gerður sveitarstjóri Þingeyjarsveitar Þungur dagur, myndir frá óveðrinu og ítrekuð innbrot Verjandi Matthíasar hnýtir í dóminn Anna ljósa fallin frá Ásmundur Einar segir skilið við stjórnmálin Bætir þrepi við greiðsluþátttökukerfið „Ég bý ekki einu sinni í Reykjavík“ Táningsstúlkur dæmdar fyrir að flytja inn efni sem var ekki bannað Ekki liðnir níu dagar þegar það var aftur brotist inn Þungir dómar í Gufunesmálinu: „Það eru ekki alltaf jólin“ Dómsuppkvaðning í Gufunesmálinu og óveður í aðsigi Meirihluti íbúa ánægður með flutning stórtónleika á sunnudag Annar fulltrúa Framsóknar hættur í bæjarstjórn Kópavogs Vímuefnaneysla talin meginorsök banaslyss við Hraunsnef Vaktin: Stefán og Lúkas dæmdir í 17 ára fangelsi Ekki búin að ákveða hvort þjóðaröryggisráð verði kallað saman „Ég hef aldrei séð svona mikið vatn í Jökulsá“ Grindavíkurgersemin Birna Óladóttir fallin frá Kristrún í pallborði með Starmer, Carney og Albanese Sjá meira
Stjórnarmaður segir ábyrgðinni varpað yfir á listafólkið án aðkomu stjórnar Stjórnarmaður í Ríkisútvarpinu segir að stjórnendur stofnunarinnar hafi varpað allri ábyrgð á þátttöku Íslendinga í Eurovision yfir á listafólkið sem tekur þátt í Söngvakeppninni. Það hafi verið gert alfarið á aðkomu stjórnar hlutafélagsins opinbera. 23. janúar 2024 22:00
„Þetta er hálft skref í rétta átt“ Daníel Ágúst Haraldsson, sem var einn fjölda tónlistarmanna sem mótmæltu fyrirhugaðri þátttöku Íslendinga í Eurovision, segist fagna því að yfirmenn Ríkisútvarpsins hafi frestað endanlegri þátttöku fram yfir Söngvakeppni sjónvarpsins. Hann hefði þó viljað sjá skrefið stigið til fulls. 23. janúar 2024 18:25
Ákveða sig eftir Söngvakeppnina Ríkisútvarpið ætlar ekki að taka neina ákvörðun um þátttöku sína í Eurovision í Svíþjóð fyrr en að lokinni Söngvakeppni sjónvarpsins. Að óbreyttu verður Ísland meðal þátttökuþjóða í Malmö í maí. 23. janúar 2024 17:10