Sjö­tti sigur toppliðsins í röð

Gestirnir frá Minnesota þurftu að hafa fyrir hlutunum í upphafi leiks, en alls skiptust liðin sex sinnum á að hafa forystuna og sex sinnum var jafnt. Úlfarnir höfðu þó tveggja stiga forystu þegar fyrsta leikhluta lauk og munurinn var orðinn sex stig þegar flautað var til hálfleiks og liðin gengu til búningsherbergja, staðan 54-60.

Gestirnir tóku þó öll völd í þriðja leikhluta og skoruðu 38 stig gegn 24 stigum heimamanna. Eftir það var sigurinn nokkuð auðveldur fyrir toppliðið sem vann að lokum 24 stiga sigur, 103-127.

Karl-Anthony Towns var stigahæstur í liði gestanna með 24 stig, en Rudy Gobert átti einnig stórleik og skilaði 16 stigum og 20 fráköstum. Jaren Jackson Jr. var atkvæðamestur í liði heimamanna með 21 stig.

Úrslit næturinnar