Hiti milli stuðnings­manna Ísraels og Palestínu á Kópavogsvelli

Sjónarvottur lýsir í samtali við Vísi að nokkur hiti hafi verið á milli hópanna. En stuðningsmenn Palestínu eru mættir til að mótmæla aðgerðum Ísraels á Gasaströndinni, en stuðningsmenn Ísraels eru ósáttir með framferði Hamas-samtakanna.

Samkvæmt heimildum Vísis eru um það bil áttatíu manns samankomnir við völlinn, en flestir styðja Palestínu. Á bilinu fimm til tíu styðja hins vegar Ísrael.

Leikur Breiðabliks og Maccabi hófst klukkan eitt í dag. Þegar þessi frétt er skrifuð er markalaust í leiknum.

Frá og með sjöunda október á þessu ári hafa mikil átök geysað á miðausturlöndum, sérstaklega á Gasaströndinni, en síðustu daga hefur vopnahlé verið í gildi milli herjandi fylkinga.