Döðlugotterí
Innihaldsefni:
- 15 til 20 medjool döðlur
- Sirka 100 gr, hreint hnetusmjör
- Hálfur bolli möndlur
- Hálfur bolli ristaðar kókosflögur
- 200 gr dökkt súkkulaði
- Sjávarsalt
Aðferð:
- Hreinsið steinanna úr döðlunum og kljúfið þær í sundur. Þjappið þeim á smjörpappír þannig að fallega hliðin snúi niður að pappírnum, gott að bleyta hendurnar örlítið til að þjappa þeim niður.
- Smyrjið þunnu lagi af hnetusmjöri yfir döðlubotninn og setjið í frystinn.
- Á meðan er súkkulaðið brætt yfir vatnsbaði og möndlurnar saxaðar.
- Þegar súkkulaðið er klárt er möndlunum og kókosflögunum hrært saman við og þessu helt yfir hnetudöðlubotninn. Gott að sáldra smá sjávarflögum yfir.
- Að lokum þarf að smella þessu í frystinn þar til súkkulaðið er orðið hart.
- Gott að leyfa þessu að standa í 2 mín áður en þetta er skorið niður í bita
„Njótið og passið að klára þessa bita ekki of hratt,“ segir Helga Gabríela.
