Logi nýr fram­kvæmda­stjóri hjá Símanum

Í tilkynningu til Kauphallar kemur fram að Logi komi til Símans frá Íslandsbanka þar sem hann hafi sinnt starfi forstöðumanns Nýsköpunar og stafrænnar þróunar. 

„Frá 2016 hefur Logi starfað við ýmsa umbreytingu, tækniþróun og stjórnun hjá Íslandsbanka en hefur áður sinnt rannsóknum og viðskiptaráðgjöf í Ástralíu, auk kennslu við MBA nám Háskóla Íslands. Logi er með Ph.D. gráðu í markaðsfræðum og MBA gráðu, hvort tveggja frá Sydney Business School, og BA gráðu í sálfræði frá Háskóla Íslands,“ segir í tilkynningunni.