Algjör tilviljun að byssukúlurnar höfnuðu ekki í sex ára snáða og föður Kolbeinn Tumi Daðason skrifar 8. desember 2022 16:47 Lögregla var með mikinn viðbúnað á Miðvangi umræddan dag. Í bakgrunni má sjá bíl feðganna sem skotið var á. Vísir/Vilhelm Tilviljun ein réð því að byssukúlur hæfðu ekki feðga í bíl við Miðvang í Hafnarfirði í júní. Byssumaðurinn, karlmaður á sjötugsaldri, var fundinn sekur um tilraun til manndráps en metinn ósakhæfur enda fullur af ranghugmyndum á gjörningarstundu. Hann þarf að sæta öryggisgæslu á viðeigandi stofnun. Það var þann 22. júní í sumar sem umsátursástand skapaðist við Miðvang. Faðir var á leið með sex ára son sinn á leikskóla þegar byssukúlur hæfðu bílinn. Lögregla mætti á svæðið og náði til byssumannsins eftir á fjórðu klukkustund. Byssumaðurinn var ákærður fyrir tilraun til manndráps og var dómur kveðinn upp þann 1. desember. Héraðsdómur Reykjaness komst að þeirri niðurstöðu að karlmaðurinn væri sekur um tilraun til manndráps. Ástand hans væri þó þess eðlis að hann yrði ekki dæmdur til fangelsisvistar heldur vistunar viðeigandi stofnun. Skaut alls fimm skotum Karlmanninum var gefið að sök tilraun til manndráps með því að hafa skotið tveimur skotum með 22 kalíbera riffli af svölum íbúðar sinnar við Miðvang á bifreið sem lagt var við leikskóla í um 33 metra fjarlægð. Feðgarnir voru í bílnum. Fyrra skotið fór í gegnum afturhlera bílsins og stöðvaðist í baki farþegasætis hægra megin þar sem sex ára drengur stóð. Seinna skotið fór ofarlega í vinstri afturhurð bílsins og stöðvaðist í hurðarfalsinum, með þeim afleiðingum að rúðan brotnaði og glerbrotum rigndi yfir föður drengsins. Faðirinn sat í skotstefnu kúlunnar í ökumannssæti bifreiðarinnar. Byssumaðurinn, sem skaut alls fimm skotum, játaði að hafa skotið af riffli sínum bæði í skýrslutöku og eins fyrir dómi. Hann hafnaði því að hafa ætlað að skaða fólk. Hann hefði sætt ofsóknum og verið að verja sig. Í ofsóknunum hafi falist að menn hafi komið að heimili hans og lýst inn í íbúð hans með bílljósum. Þetta hafi jafnvel gerst að næturlagi og var mafían nefnd í því samhengi. Þá sagðist hann hafa séð karlmann í bílnum en ekki barn. Hættulegur sjálfum sér og öðrum Fram kemur í niðurstöðukafla dómsins að byssumaðurinn var í mjög slæmu ástandi andlega umræddan dag. Framburður hjá lögreglu hafi verið svo ruglingslegur að hætt var við að taka skýrslu af honum þann daginn. Matsmaður tók tvö viðtöl við hann þann dag. Samkvæmt matsgerðinni var hann hugsanatruflaður, talaði samhengislaust og var erfitt að fylgja honum eftir. Þá var innsæi hans bágborið og hann gerði sér ekki grein fyrir stöðu sinni né afleiðingum af háttsemi. Var hann metinn með geðrofseinkenni og hættulegur sjálfum sér og öðrum. Matsmaður sagði hann hafa verið ófæran að stjórna gjörðum sínum þennan dag. Meðferð undir eftirliti yfirlæknis Héraðsdómur segir tilviljun eina hafa ráðið því að skotin höfnuðu ekki í feðgunum í bílnum. Ekki væri hægt að líta fram hjá ástandi byssumannsins umrætt sinn. Hafið væri yfir vafa að hann hafi alls ekki verið fær um að meðhöndla skotvopn og hvað þá skjóta af því með öruggum hætti. Þótti hafið yfir skynsamlegan vafa og sannað að hann hefði gerst sekur um tilraun til manndráps. Ákæruvaldið féll við aðalmeðferð málsins frá kröfu um að byssumaðurinn yrði dæmdur til refsingar. Varakrafan um öryggisvistun stóð. Héraðsdómur taldi nauðsynlegt vegna réttaröryggis að karlmaðurinn sætti öryggisgæslu á viðeigandi stofnun. Hann þyrfti að gangast undir viðeigandi meðferð vegna veikinda sinna. „Skal meðferðin vera undir eftirliti yfirlæknis öryggis-og réttargeðdeildar og er ákærða skylt að hlíta viðeigandi meðferð, hvort sem hún er í formi viðtala að lyfjagjafar, allt eftir nánari ákvörðun yfirlæknis hverju sinni,“ segir í dómnum. Faðirinn lýsti kvíðaköstum Krafist var miskabóta upp á fjórar milljónir króna fyrir föðurinn annars vegar og sex ára soninn hins vegar. Fram kemur í niðurstöðu dómsins að samkvæmt áttunda kapítula Mannhelgisbálks Jónsbókar um óðs manns vígi eigi brotaþolar rétt á miskabótum. Faðirinn lýsti fyrir dómi að hann væri í viðtölum hjá sálfræðingi vegna afleiðinga af skotum byssumannsins. Hann fengi kvíðaköst, væri með einbeitingarskort, uppstökkur, hvatvís og hræddur að fara út á meðal fólks. Engin gögn lægju þó fyrir um það. Varðandi soninn þá taldi dómurinn líklegt að hann hefði ekki áttað sig að fullu á þeirri hættu sem skapaðist á vettvangi. Því ætti atburðurinn ekki að hafa alvarleg áhrif á andlega heilsu hans. Var föðurnum dæmdar 1,2 milljónir króna í miskabætur en syni hans hálfa milljón. Skotárás við Miðvang Hafnarfjörður Lögreglumál Dómsmál Tengdar fréttir Byssumaðurinn í Hafnarfirði metinn ósakhæfur Karlmaður sem grunaður er um að hafa skotið á tvo bíla við Miðvang í Hafnarfirði í júní á þessu ári er ósakhæfur. Maðurinn hafði verið ákærður fyrir tilraun til manndráps en maður var ásamt syni sínum inni í öðrum bílnum þegar árásin átti sér stað. 1. desember 2022 14:13 Ákærður vegna skotárásarinnar við Miðvang Karlmaður á sjötugsaldri hefur verið ákærður fyrir tilraun til manndráps vegna skotárásar við Miðvang í Hafnarfirði í lok júní. Tveir brotaþolar í málinu krefjast átta milljóna króna í miskabætur. 5. október 2022 21:25 Byssumaðurinn vistaður á „viðeigandi stofnun“ Héraðsdómur Reykjaness úrskurðaði karlmann á sjötugsaldri sem var handtekinn fyrir að skjóta á bíla í Hafnarfirði í gær til vistunar á viðeigandi stofnun í fjórar vikur. Skotárásin er rannsökuð sem tilraun til manndráps. 23. júní 2022 10:33 Mest lesið Mölbraut rúðu í Þjóðleikhúsinu Innlent Skutu upp flugeldum í minningu Bryndísi Klöru Innlent Stórhættulegur framúrakstur við Ingólfsfjall Innlent Þétting byggðar hafi ekki slegið í gegn Innlent Grunur um brot gegn fleiri börnum Innlent Alvarlegt slys á starfsmönnum á Íslandsmeistarmóti í rallycross Innlent Algjört hrun í fálkastofninum Innlent Lést við tökur á Emily in Paris Erlent Nýi brennsluofn göngugarpsins mættur á Sólheima Innlent Níu sviptir leyfi meðan á annað hundrað kvartana hafa borist Innlent Fleiri fréttir Skutu upp flugeldum í minningu Bryndísi Klöru Mölbraut rúðu í Þjóðleikhúsinu Stórhættulegur framúrakstur við Ingólfsfjall Algjört hrun í fálkastofninum Þétting byggðar hafi ekki slegið í gegn Jökulhlaupið í hægum vexti Nýi brennsluofn göngugarpsins mættur á Sólheima Grunur um brot gegn fleiri börnum Grunur um brot gegn öðru barni, alvarlegt slys og tíðindi á Menningarnótt Alvarlegt slys á starfsmönnum á Íslandsmeistarmóti í rallycross Gríðarlegt magn myndefnis til skoðunar hjá lögreglu Leiðist „linnulaust væl” Íslendinga yfir réttu málfari Eigandi Sante segir málið gjörunnið: „Frelsið sigrar alltaf að lokum” 99 ára gömul tombóla á Borg í Grímsnesi og engin núll Vínsali býst við ákæru, kúnnalisti Epstein og stemming í bænum Reiðhjólabændur með vaktað hjólastæði í Traðarkoti til miðnættis Níu sviptir leyfi meðan á annað hundrað kvartana hafa borist „Beint frá býli dagurinn“ býður landsmönnum í heimsókn Útihátíð fyrir ungmenni gekk eins og í sögu Ferðamaður neitaði að borga reikninginn og lét öllum illum látum Stungumanni í Bankastrætismálinu aftur stungið í steininn Sjö ára hlaupari kemur hópnum yfir línuna í sjötta maraþoninu á morgun Skoða að flýta aðgerðum í húsnæðismálum til að ná tökum á verðbólgunni „Versti tíminn, allra versti tíminn“ Gamall þristur strand vegna skorts á bensíni Hátt í tveggja tíma veðmálaauglýsing í boði Rúv Hraðbankinn ófundinn, hungursneyð og skólar hefjast Farþegar látnir sofa á gólfinu á hóteli í Keflavík Grunaður hraðbankaþjófur í gæslu eftir allt saman Þurfa að bíða lengur eftir að komast í Sundhöllina Sjá meira
Það var þann 22. júní í sumar sem umsátursástand skapaðist við Miðvang. Faðir var á leið með sex ára son sinn á leikskóla þegar byssukúlur hæfðu bílinn. Lögregla mætti á svæðið og náði til byssumannsins eftir á fjórðu klukkustund. Byssumaðurinn var ákærður fyrir tilraun til manndráps og var dómur kveðinn upp þann 1. desember. Héraðsdómur Reykjaness komst að þeirri niðurstöðu að karlmaðurinn væri sekur um tilraun til manndráps. Ástand hans væri þó þess eðlis að hann yrði ekki dæmdur til fangelsisvistar heldur vistunar viðeigandi stofnun. Skaut alls fimm skotum Karlmanninum var gefið að sök tilraun til manndráps með því að hafa skotið tveimur skotum með 22 kalíbera riffli af svölum íbúðar sinnar við Miðvang á bifreið sem lagt var við leikskóla í um 33 metra fjarlægð. Feðgarnir voru í bílnum. Fyrra skotið fór í gegnum afturhlera bílsins og stöðvaðist í baki farþegasætis hægra megin þar sem sex ára drengur stóð. Seinna skotið fór ofarlega í vinstri afturhurð bílsins og stöðvaðist í hurðarfalsinum, með þeim afleiðingum að rúðan brotnaði og glerbrotum rigndi yfir föður drengsins. Faðirinn sat í skotstefnu kúlunnar í ökumannssæti bifreiðarinnar. Byssumaðurinn, sem skaut alls fimm skotum, játaði að hafa skotið af riffli sínum bæði í skýrslutöku og eins fyrir dómi. Hann hafnaði því að hafa ætlað að skaða fólk. Hann hefði sætt ofsóknum og verið að verja sig. Í ofsóknunum hafi falist að menn hafi komið að heimili hans og lýst inn í íbúð hans með bílljósum. Þetta hafi jafnvel gerst að næturlagi og var mafían nefnd í því samhengi. Þá sagðist hann hafa séð karlmann í bílnum en ekki barn. Hættulegur sjálfum sér og öðrum Fram kemur í niðurstöðukafla dómsins að byssumaðurinn var í mjög slæmu ástandi andlega umræddan dag. Framburður hjá lögreglu hafi verið svo ruglingslegur að hætt var við að taka skýrslu af honum þann daginn. Matsmaður tók tvö viðtöl við hann þann dag. Samkvæmt matsgerðinni var hann hugsanatruflaður, talaði samhengislaust og var erfitt að fylgja honum eftir. Þá var innsæi hans bágborið og hann gerði sér ekki grein fyrir stöðu sinni né afleiðingum af háttsemi. Var hann metinn með geðrofseinkenni og hættulegur sjálfum sér og öðrum. Matsmaður sagði hann hafa verið ófæran að stjórna gjörðum sínum þennan dag. Meðferð undir eftirliti yfirlæknis Héraðsdómur segir tilviljun eina hafa ráðið því að skotin höfnuðu ekki í feðgunum í bílnum. Ekki væri hægt að líta fram hjá ástandi byssumannsins umrætt sinn. Hafið væri yfir vafa að hann hafi alls ekki verið fær um að meðhöndla skotvopn og hvað þá skjóta af því með öruggum hætti. Þótti hafið yfir skynsamlegan vafa og sannað að hann hefði gerst sekur um tilraun til manndráps. Ákæruvaldið féll við aðalmeðferð málsins frá kröfu um að byssumaðurinn yrði dæmdur til refsingar. Varakrafan um öryggisvistun stóð. Héraðsdómur taldi nauðsynlegt vegna réttaröryggis að karlmaðurinn sætti öryggisgæslu á viðeigandi stofnun. Hann þyrfti að gangast undir viðeigandi meðferð vegna veikinda sinna. „Skal meðferðin vera undir eftirliti yfirlæknis öryggis-og réttargeðdeildar og er ákærða skylt að hlíta viðeigandi meðferð, hvort sem hún er í formi viðtala að lyfjagjafar, allt eftir nánari ákvörðun yfirlæknis hverju sinni,“ segir í dómnum. Faðirinn lýsti kvíðaköstum Krafist var miskabóta upp á fjórar milljónir króna fyrir föðurinn annars vegar og sex ára soninn hins vegar. Fram kemur í niðurstöðu dómsins að samkvæmt áttunda kapítula Mannhelgisbálks Jónsbókar um óðs manns vígi eigi brotaþolar rétt á miskabótum. Faðirinn lýsti fyrir dómi að hann væri í viðtölum hjá sálfræðingi vegna afleiðinga af skotum byssumannsins. Hann fengi kvíðaköst, væri með einbeitingarskort, uppstökkur, hvatvís og hræddur að fara út á meðal fólks. Engin gögn lægju þó fyrir um það. Varðandi soninn þá taldi dómurinn líklegt að hann hefði ekki áttað sig að fullu á þeirri hættu sem skapaðist á vettvangi. Því ætti atburðurinn ekki að hafa alvarleg áhrif á andlega heilsu hans. Var föðurnum dæmdar 1,2 milljónir króna í miskabætur en syni hans hálfa milljón.
Skotárás við Miðvang Hafnarfjörður Lögreglumál Dómsmál Tengdar fréttir Byssumaðurinn í Hafnarfirði metinn ósakhæfur Karlmaður sem grunaður er um að hafa skotið á tvo bíla við Miðvang í Hafnarfirði í júní á þessu ári er ósakhæfur. Maðurinn hafði verið ákærður fyrir tilraun til manndráps en maður var ásamt syni sínum inni í öðrum bílnum þegar árásin átti sér stað. 1. desember 2022 14:13 Ákærður vegna skotárásarinnar við Miðvang Karlmaður á sjötugsaldri hefur verið ákærður fyrir tilraun til manndráps vegna skotárásar við Miðvang í Hafnarfirði í lok júní. Tveir brotaþolar í málinu krefjast átta milljóna króna í miskabætur. 5. október 2022 21:25 Byssumaðurinn vistaður á „viðeigandi stofnun“ Héraðsdómur Reykjaness úrskurðaði karlmann á sjötugsaldri sem var handtekinn fyrir að skjóta á bíla í Hafnarfirði í gær til vistunar á viðeigandi stofnun í fjórar vikur. Skotárásin er rannsökuð sem tilraun til manndráps. 23. júní 2022 10:33 Mest lesið Mölbraut rúðu í Þjóðleikhúsinu Innlent Skutu upp flugeldum í minningu Bryndísi Klöru Innlent Stórhættulegur framúrakstur við Ingólfsfjall Innlent Þétting byggðar hafi ekki slegið í gegn Innlent Grunur um brot gegn fleiri börnum Innlent Alvarlegt slys á starfsmönnum á Íslandsmeistarmóti í rallycross Innlent Algjört hrun í fálkastofninum Innlent Lést við tökur á Emily in Paris Erlent Nýi brennsluofn göngugarpsins mættur á Sólheima Innlent Níu sviptir leyfi meðan á annað hundrað kvartana hafa borist Innlent Fleiri fréttir Skutu upp flugeldum í minningu Bryndísi Klöru Mölbraut rúðu í Þjóðleikhúsinu Stórhættulegur framúrakstur við Ingólfsfjall Algjört hrun í fálkastofninum Þétting byggðar hafi ekki slegið í gegn Jökulhlaupið í hægum vexti Nýi brennsluofn göngugarpsins mættur á Sólheima Grunur um brot gegn fleiri börnum Grunur um brot gegn öðru barni, alvarlegt slys og tíðindi á Menningarnótt Alvarlegt slys á starfsmönnum á Íslandsmeistarmóti í rallycross Gríðarlegt magn myndefnis til skoðunar hjá lögreglu Leiðist „linnulaust væl” Íslendinga yfir réttu málfari Eigandi Sante segir málið gjörunnið: „Frelsið sigrar alltaf að lokum” 99 ára gömul tombóla á Borg í Grímsnesi og engin núll Vínsali býst við ákæru, kúnnalisti Epstein og stemming í bænum Reiðhjólabændur með vaktað hjólastæði í Traðarkoti til miðnættis Níu sviptir leyfi meðan á annað hundrað kvartana hafa borist „Beint frá býli dagurinn“ býður landsmönnum í heimsókn Útihátíð fyrir ungmenni gekk eins og í sögu Ferðamaður neitaði að borga reikninginn og lét öllum illum látum Stungumanni í Bankastrætismálinu aftur stungið í steininn Sjö ára hlaupari kemur hópnum yfir línuna í sjötta maraþoninu á morgun Skoða að flýta aðgerðum í húsnæðismálum til að ná tökum á verðbólgunni „Versti tíminn, allra versti tíminn“ Gamall þristur strand vegna skorts á bensíni Hátt í tveggja tíma veðmálaauglýsing í boði Rúv Hraðbankinn ófundinn, hungursneyð og skólar hefjast Farþegar látnir sofa á gólfinu á hóteli í Keflavík Grunaður hraðbankaþjófur í gæslu eftir allt saman Þurfa að bíða lengur eftir að komast í Sundhöllina Sjá meira
Byssumaðurinn í Hafnarfirði metinn ósakhæfur Karlmaður sem grunaður er um að hafa skotið á tvo bíla við Miðvang í Hafnarfirði í júní á þessu ári er ósakhæfur. Maðurinn hafði verið ákærður fyrir tilraun til manndráps en maður var ásamt syni sínum inni í öðrum bílnum þegar árásin átti sér stað. 1. desember 2022 14:13
Ákærður vegna skotárásarinnar við Miðvang Karlmaður á sjötugsaldri hefur verið ákærður fyrir tilraun til manndráps vegna skotárásar við Miðvang í Hafnarfirði í lok júní. Tveir brotaþolar í málinu krefjast átta milljóna króna í miskabætur. 5. október 2022 21:25
Byssumaðurinn vistaður á „viðeigandi stofnun“ Héraðsdómur Reykjaness úrskurðaði karlmann á sjötugsaldri sem var handtekinn fyrir að skjóta á bíla í Hafnarfirði í gær til vistunar á viðeigandi stofnun í fjórar vikur. Skotárásin er rannsökuð sem tilraun til manndráps. 23. júní 2022 10:33