Viðskipti innlent

Arion hækkar vexti inn­lána og annarra út­lána en í­búða­lána

Bjarki Sigurðsson skrifar
Arion banki hefur hækkað vexti.
Arion banki hefur hækkað vexti. Vísir/Vilhelm

Arion banki hefur hækkað vexti á innlánum og öllum útlánum fyrir utan íbúðalán. Hækkunin á kjörvöxtum tekur í gildi eftir þrjátíu daga en vextir yfirdráttarlána og innlána breytast á morgun. 

Þetta kemur fram í tilkynningu á vef Arion Banka. Þar segir að ákvörðunin sé tekin í kjölfar stýrivaxtahækkunar Seðlabankans. 

Almennir óverðtryggðir kjörvextir hækka um 0,25 prósentustig og verða því 8,6 prósent. Almennir verðtryggðir kjörvextir hækka um 0,75 prósentustig og verða 4,45 prósent. 

Kjörvextir bílalána hækka um 0,25 prósentustig og yfirdráttarvextir og vextir greiðsludreifinga kreditkorta hækka um 0,25 prósentustig. Þá hækka breytilegir óverðtryggðir vextir sparnaðarreikninga um allt að 0,35 prósentustig og vextir veltureikninga um 0,05 prósentustig. 

Vaxtabreytingar útlána taka mið af fjármögnunarkostnaði bankans á hverjum tíma en einnig af öðrum þáttum, m.a. útlánaáhættu. Fjármögnunarkostnaður bankans fylgir að hluta til stýrivöxtum Seðlabankans en einnig hafa aðrar fjármögnunarleiðir umtalsverð áhrif, svo sem innlán viðskiptavina, markaðsfjármögnun, erlend skuldabréfaútgáfa og eiginfjárgerningar.

Arion banki Neytendur Fjármál heimilisins Íslenskir bankar

Tengdar fréttir

Arion banki hækkar vexti

Arion banki hefur hækkað vexti óverðtryggðra og verðtryggðra íbúðalána frá og með deginum í dag. Bankinn fylgir því fordæmi Landsbankans sem hækkaði vexti fyrr í vikunni. 



Mest lesið


Fleiri fréttir

Sjá meira


×

Mest lesið