Tuttugu og tveir kafarar taka þátt

Lillý Valgerður Pétursdóttir skrifar 9. febrúar 2022 19:08

Undirbúningur stóð yfir í allan dag við Þingvallavatn en aðgerðin hefst í fyrramáli. Vísir/Egill

Ríflega tuttugu kafarar koma að því að ná þeim sem fórust með flugvélinni í Þingvallavatni og flugvélinni sjálfri upp á yfirborðið. Aðgerðin sem hefst í fyrramáli er mjög flókin þar sem kafarar geta ekki athafnað sig nema í örfáar mínútur á svo miklu dýpi og kulda.

Unnið hefur verið að því í allan dag að setja upp búnað og aðstöðu við Ölfusvatnsvík í Þingvallavatni. Yfir fimmtíu manns munu taka þátt í aðgerðinni sem hefst klukkan níu í fyrramáli.

Þrjú stór tjöld voru reist í dag sem nýtast með matar- og hvíldaraðstaða á morgun.Vísir/Egill

Í tilkynningu frá lögreglu kemur fram að strax klukkan níu munu fara fram þær prófanir sem ekki er hægt að gera fyrirfram. Í framhaldinu hefjast aðgerðir á því að bjarga líkum af botni vatnsins. Takist að ná þeim upp verða þau flutt beint til Reykjavíkur. Þá kemur fram í tilkynningunni að þar mun réttarlæknir framkvæma líkskoðun og í framhaldi af því verður aðstandendum gefinn kostur á að eiga stund, hver með sínu fólki.

Þá er ekki reiknað með að farið verði í aðgerðir til að hífa flugvélina upp á morgun en mögulega verður kafað að flakinu og byrjað að undirbúa. Ef allt gengur upp er þess vænst að flugvélin verði hífð upp seinni part föstudags.

Ásgeir Erlendsson, upplýsingafulltrúi Landhelgisgæslunnar. Vísir

Um er að ræða flókna og umfangsmikla aðgerð en lík farþeganna sem fórust um borð í flugvélinni TF-ABB eru nú á minnst 35 metra dýpi og flugvélarflakið á tæplega 50 metra dýpi.

„Þetta er mjög umfangsmikil og krefjandi aðgerð. Síðan á laugardaginn þá hafa kafarar frá Landhelgisgæslunni, lögreglunni og slökkviliðinu unnið sleitulaust að undirbúningi þessa verkefnis. Það verða átta kafarar frá Landhelgisgæslu, sex frá lögreglu og átta frá slökkviliðinu. Um tuttugu kafarar sem koma til með að taka þátt í þessari aðgerð,“ segir Ásgeir Erlendsson upplýsingafulltrúi Landhelgisgæslunnar.

Flugslys við Þingvallavatn Þingvellir Björgunarsveitir Lögreglumál Slökkvilið Fréttir af flugi Landhelgisgæslan Grímsnes- og Grafningshreppur

Tengdar fréttir

Þingvallavegi lokað vegna aðgerða á fimmtudag og föstudag

Þingvallavegur verður lokaður fyrir alla almenna umferð á fimmtudag og föstudag frá klukkan átta á morgnanna og fram eftir degi, á meðan aðgerðir viðbragðsaðila standa þar yfir.

9. febrúar 2022 18:31

Ryðja, tjalda og koma upp þyrlulendingarstað við Þingvallavatn

Gert er ráð fyrir að fimmtíu til sextíu manns muni taka þátt í aðgerðum við Þingvallavatn á morgun. Um tuttugu manns vinna nú að því að setja upp vinnubúðir og aðstöðu við vatnið og er áætlað að aðgerðir hefjist klukkan níu í fyrramálið ef veður leyfir.

9. febrúar 2022 16:36

Freista þess að koma öllum nauðsynlegum búnaði að vatninu

Til stendur að ryðja aðstöðuplan við Ölfusvatnsvík og slóða að planinu nú fyrir hádegi, til að koma búnaði á staðinn sem verður notaður til að heimta flugvélina sem fórst á fimmtudag og farþegana sem voru innanborðs upp úr Þingvallavatni.

9. febrúar 2022 06:37

Íslandsferðin var efst á óskalista eins þeirra sem lést

Íslandsferð Hollendingsins Tim Alings, eins af þeim sem lést í flugslysinu við Þingvallavatn í síðustu viku, var efst á óskalista hans yfir hluti til að gera. Belginn Nicola Bellavia, sem lést einnig, talaði við sambýliskonu sína í síma rétt fyrir flugtak.

9. febrúar 2022 11:07

Norðurljósakvöld ein hamingjuríkasta stundin í lífi hins látna

Fjölmiðlar á Vesturlöndum greina nú hver á fætur öðrum frá andláti Josh Neuman sem lést í skelfilegu flugslysi við Þingvallavatn í lok síðustu viku. Neuman var bandarískur hjólabrettakappi sem var yngstur hinna fjögurra sem létust í slysinu en hann var aðeins 22 ára.

8. febrúar 2022 16:47

Mest lesið

Fleiri fréttir