Körfubolti

Hörmungar Brooklyn halda áfram

Ingvi Þór Sæmundsson skrifar
Kyrie Irving og félagar í Brooklyn Nets eru í frjálsu falli.
Kyrie Irving og félagar í Brooklyn Nets eru í frjálsu falli. getty/Jamie Schwaberow

Nikola Jokic var með þrefalda tvennu þegar Denver Nuggets sigraði Brooklyn Nets, 124-104, í NBA-deildinni í körfubolta í nótt. Þetta var áttunda tap Brooklyn í röð.

Jokic skoraði 27 stig, tók tólf fráköst og gaf tíu stoðsendingar fyrir Denver. Serbinn hitti úr tólf af fimmtán skotum sínum í leiknum.

Kyrie Irving skoraði 27 stig og gaf ellefu stoðsendingar fyrir Brooklyn en það dugði skammt. Liðið er í 7. sæti Austurdeildarinnar eftir átta töp í röð.

Meistarar Milwaukee Bucks unnu þriðja leikinn í röð þegar þeir lögðu Los Angeles Clippers að velli, 113-137.

Allir í byrjunarliði Milwaukee skoruðu sautján stig eða meira í leiknum. Giannis Antetokounmpo var stigahæstur með 28 stig. Jrue Holiday skoraði 27 stig og gaf þrettán stoðsendingar. Nick Powell skoraði 28 stig í fyrsta leik sínum fyrir Clippers.

Gott gengi Boston Celtics hélt áfram er liðið vann Orlando Magic, 83-116. Þetta var fimmti sigur Boston í röð en þetta er lengsta sigurganga liðsins á tímabilinu.

Jaylen Brown skoraði 26 stig fyrir Boston og Dennis Schröder 22. Boston er í 8. sæti Austurdeildarinnar.

Úrslitin í nótt

  • Denver 124-104 Brooklyn
  • LA Clippers 113-137 Milwaukee
  • Orlando 83-116 Boston
  • Chicago 108-119 Philadelphia
  • Minnesota 118-105 Detroit
  • Cleveland 98-85 Indiana
  • Dallas 103-94 Atlanta
  • Houston 107-120 New Orleans

NBA er á Stöð 2 Sport en upplýsingar um útsendingar má finna hér. NBA körfuboltinn er hluti af Stöð 2 Sport erlent sem kostar 3.990 krónur á mánuði.

NBA

Mest lesið


Fleiri fréttir

Sjá meira


×

Mest lesið