31 Covid-19 sjúkraflutningur

Það hefur verið nóg að gera hjá slökkviliði höfuðborgarsvæðisins síðastliðinn sólarhring að því er fram kemur í færslu á Facebook-síðu slökkviliðsins.

Alls var farið í 134 sjúkraflutninga, þar af voru 28 forgangsflutningar og 31 Covid-19 flutningur.

Þá voru sex útköll á dælubíla, meðal annars umferðarslys, aðstoð við sjúkrabíla og tvö eldsútköll.

Í öðru tilfellinu kom eldur upp í íbúðarhúsnæði þar sem kviknaði í ruslapoka sem lagður hafði verið á helluborð. Töluverður reykur kom af því.