Leitað að hvítum jeppa sem stolið var í Garðabæ í nótt

Lögreglan á höfuðborgarsvæðinu leitar nú að hvítum Toyota Land Cruiser, árgerð 2012, með númerið MX-X51. Jeppanum var stolið frá heimili í Garðabæ í nótt og virðist sem þjófurinn hafi læðst inn í forstofu heimilisins, tekið lykla og aðra muni og keyrt í burtu á bílnum.

Bíllinn er á 35 tommu dekkjum, með með krómlistum og kastaragrind að framan með þokuljósum. Grátt tengdamömmubox er á þaki bílsins.

Þeir sem sjá bílinn í umferð eða vita hvar hún er niður komin eru vinsamlega beðnir um að hafa tafarlaust samband við lögreglu í síma 112.