Þolinmæðisverk hjá Þýskalandi

Þýskaland telst líklegt til afreka á HM kvenna og þær unnu 1-0 sigur á Kína í fyrsta leik liðanna er þau mættust á Roazhon leikvanginum í Rennes.

Markalaust var í hálfleik og fyrsta og eina mark leiksins kom á 66. mínútu. Þá skoraði Giulia Gwinn en hún spilar með Freiburg í heimalandinu.

Þjóðverjarnir eru því komnir með þrjú stig en Kína ekkert. Í sama riðli eru Spánn og Suður-Afríka en þau mætast síðar í dag.

Þýskaland mætir Spáni á miðvikudaginn en Kína og Suður-Afríka spilar á fimmtudaginn.