Útskýringar á uppsögn Hólmfríðar standist ekki nánari skoðun Stefán Ó. Jónsson skrifar 8. febrúar 2019 13:45 Hólmfríði Sveinsdóttur var sagt upp hjá IceProtein og Protis á dögunum. Aðsend Fyrrverandi stjórnarformaður IceProtein og Protis segir útreikninga framkvæmdastjóra Fisk Seafood ekki halda vatni. Ársreikningar félaganna sanni að enginn fótur sé fyrir yfirlýsingum um hundruð milljóna taprekstur þeirra á síðustu árum, sem notaðar voru til að réttlæta uppsögn Hólmfríðar Sveinsdóttur. Hólmfríður tók við starfi framkvæmdastjóra IceProtein og Protis á Sauðárkróki árið 2013 - en var var sagt upp um síðastliðna helgi. Stöðugildið var lagt niður í framhaldi og sagði Friðbjörn Ásbjörnsson, framkvæmdastjóri Fisk Seafood sem eignaðist allt hlutafé í félögunum tveimur árið 2012, það hafa verið lið í ýmsum skipulagsbreytingum sem hafi verið gerðar innan félagsins undanfarna mánuði. Uppsögn Hólmfríðar vakti töluverða athygli, ekki síst í ljósi þess að hún er margverðlaunuð á sínu sviði og hefur leikið lykilhlutverk í uppgangi fyrirtækisins á síðustu árum. Vegna hinnar „talsverðu umræðu“ sem skapaðist um málið ákvað fyrrnefndur Friðbjörn því að senda frá sér ítarlegri skýringu á uppsögninni, sem birt var í gærkvöldi á vefsíðu Feykis.Sjá einnig: Hólmfríði sagt upp hjá IceProtein og ProtisÞar ítrekar hann að uppsögnina megi rekja til skipulagsbreytinga. Vísindastarf Fisk Seafood sé kostnaðarsamt og fyrir vikið hafi „taprekstur undanfarinna ára mælist í hundruðum milljóna króna þegar allt er talið.“ Ekki sé hægt að halda lengi áfram á þeirri vegferð án þess að reynt sé að leita leiða til að koma betra jafnvægi á reksturinn. „Eðlilegar rekstrarforsendur verða að finnast og langtímamarkmiðið í þeim efnum er að sjálfsögðu í þessari starfsemi eins og annarri að viðunandi arðsemi fáist frá rekstrinum,“ segir Friðbjörn. Hann undirstrikar að uppsögnin hafi verið sársaukafull, eins og allar hagræðingaraðgerðir, en bætir við að hann hafi ekki einn komið að þessari ákvörðun. „Það er hins vegar bæði í mínum verkahring að gera tillögur um breytingar og framkvæma þær ef um þær er samstaða. Það reyni ég að gera eins vel og mér er frekast unnt og vissulega hefði ég kosið að atburðarásin í þessu tilfelli hefði verið önnur en raun varð á,“ segir Friðbjörn um leið og hann óskar Hólmfríði velfarnaðar á nýjum vettvangi.Að neðan má sjá frétt Stöðvar 2 um starfsemi fyrirtækjanna frá í apríl síðastliðinn.Tölurnar tali öðru máli Jón Eðvald Friðriksson, fyrrverandi framkvæmdastjóri Fisk Seafood og stjórnarformaður IceProtein og Protis, dregur þessar skýringar eftirmanns síns hins vegar í efa. Í grein sem hann birti á Feyki í hádeginu, og ber yfirskriftina Sannleikurinn er sagna bestur, rekur hann rekstrarniðurstöður IceProtein áranna 2013 til 2017, árin sem Hólmfríður var framkvæmdastjóri. Félagið hafi samanlagt verið rekið með alls 7,5 milljóna króna hagnaði og heildartekjur IceProteins numið um 276,8 milljónum. Jón Eðvald segir að því sé þó ekki að neita að tap hafi verið á rekstri Protis frá 2016, sem var fyrsta rekstraár félagsins. Samanlagt tap ársins 2016 og 2017 nemi þó ekki nema 4,9 milljónum króna - víðsfjarri þeim „hundruðum milljóna“ sem Friðbjörn vísaði til í útskýringu sinni. „Heildartekjur Protis þessi tvö ár voru kr. 86,3 milljónir og samanstóðu af sölu afurða, þjónustu, styrkja úr hinum ýmsu sjóðum þar með talið þróunarsjóði KS til ýmissa verkefna. Ef afkoma beggja fyrirtækjanna er lögð saman, kemur út hagnaður sem nemur kr. 2,6 milljónum króna. Eigið fé Iceproteins var í árslok 2017 kr. 22,6 milljónir og eigið fé Protís var í árslok 2017 neikvætt að fjárhæð kr. 4,3 milljónir,“ skrifar Jón Eðvald til frekari útskýringar.Uppsögn verði endurskoðuð „Athygli skal vakin á því að kostnaður við vöruþróun og markaðsmál hefur verið gjaldfærður öll árin og því ekki neinar eignir skráðar í efnahagsreikningi félaganna, sem ekki eru áþreifanlegar. Færa má sterk rök fyrir því að ef sú leið hefði verið valin að halda fullum dampi í rekstri fyrirtækjanna og þeim mannauði, þekkingu og búnaði sem þar var til staðar, hefði eigandinn þ.e. FISK-Seafood ehf., ef hann hefði svo kosið, við sölu og eða sameiningu fyrirtækjanna við önnur fyrrtæki, fengið sinn eignarhlut metinn upp á tugi eða hundruða milljóna,“ segir Jón Eðvald ennfremur á Feyki. Að endingu hvetur hann stjórnir Fisk Seafood og Kaupfélags Skagfirðinga til að endurskoða uppsögn Hólmfríðar - „og efla þessi fyrirtæki enn frekar til hagsbóta fyrir íbúa þessa héraðs.“ Hólmfríður segist sjálf í samskiptum við Vísi ekki vilja tjá sig um málið að svo stöddu. Sjávarútvegur Skagafjörður Vistaskipti Tengdar fréttir Hólmfríði sagt upp hjá IceProtein og Protis Hólmfríði Sveinsdóttur hefur verið sagt upp sem framkvæmdastjóra IceProtein og Protis á Sauðárkróki. 6. febrúar 2019 23:55 Framkvæmdastjóri FISK Seafood hættir Friðbjörn Ásbjörnsson aðstoðarframkvæmdastjóri Fisk Seafood hefur tekið við sem framkvæmdastjóri félagsins og er honum óskað velfarnaðar í nýju starfi. 2. nóvember 2018 11:39 Mest lesið ORA svarar fyrir fiskbúðinginn: „Stundum þarf bara pung í að gera breytingar“ Neytendur Segir stjórnendur ætla að skilja skuldirnar eftir á Íslandi Viðskipti innlent Samkaup eignast 38 prósenta hlut í Kjötkompaní Viðskipti innlent 208 sagt upp í fimm hópuppsögnum Viðskipti innlent Einn stofnenda Play og Leifur í framkvæmdastjórn Icelandair Viðskipti innlent „Hef engar upplýsingar um að eitthvað óeðlilegt hafi átt sér stað“ Viðskipti innlent Íþróttafræðin inn á vinnustaðinn: Yfirmenn ekki lengur alvitri einhyrningurinn Atvinnulíf Kaupfélagið á bak við risaviðskipti í Iceland Seafood Viðskipti innlent Eiríkur Orri til Ofar Viðskipti innlent „Það verður andskoti flókið“ Viðskipti innlent Fleiri fréttir „Hef engar upplýsingar um að eitthvað óeðlilegt hafi átt sér stað“ 208 sagt upp í fimm hópuppsögnum Einn stofnenda Play og Leifur í framkvæmdastjórn Icelandair Eiríkur Orri til Ofar Samkaup eignast 38 prósenta hlut í Kjötkompaní Segir stjórnendur ætla að skilja skuldirnar eftir á Íslandi „Það verður andskoti flókið“ Kaupfélagið á bak við risaviðskipti í Iceland Seafood Múlakaffi nýtir farþegamiðstöðina yfir veturinn „Við munum gæta réttar kröfuhafa í hvívetna“ Viðkvæm staða í björgunaraðgerðum Play Europe Horfa fram á tugmilljarða samdrátt og bíða í ofvæni eftir loðnufréttum Hætti korteri eftir peppfund með Möltufólkinu Isavia gefur strandaglópum engin grið Ásgeir og Darri til Landslaga Sahara og Olís tilnefnd til tvennra alþjóðlegra verðlauna Hvetur stjórnvöld til að veita ferðaskrifstofum lán eins og í Covid Búið að greiða laun og barnabætur Stefna á að hefja starfsemi á Möltu innan tíu vikna Snaps teygir anga sína út á Hlemm „Það er svo langt síðan að við höfðum ekki trú á Play“ Arnar Þór og Unnur Lilja skipta búi Play Bændaferðir færa sig í skemmtiferðasiglingar Fallið frá kröfum um neyðarfjarskipti á hálendinu Play með sex prósent flugsæta til og frá landinu Hrun í makríl og kolmunna Fall Play áfall en að einhverju leyti fyrirséð Segir ekki honum að kenna að Play hafi farið á hausinn Eðlilegt ef farið verður yfir eftirlit með flugfélögum Höggið á íslenska ferðaþjónustu ætti að vera takmarkað Sjá meira
Fyrrverandi stjórnarformaður IceProtein og Protis segir útreikninga framkvæmdastjóra Fisk Seafood ekki halda vatni. Ársreikningar félaganna sanni að enginn fótur sé fyrir yfirlýsingum um hundruð milljóna taprekstur þeirra á síðustu árum, sem notaðar voru til að réttlæta uppsögn Hólmfríðar Sveinsdóttur. Hólmfríður tók við starfi framkvæmdastjóra IceProtein og Protis á Sauðárkróki árið 2013 - en var var sagt upp um síðastliðna helgi. Stöðugildið var lagt niður í framhaldi og sagði Friðbjörn Ásbjörnsson, framkvæmdastjóri Fisk Seafood sem eignaðist allt hlutafé í félögunum tveimur árið 2012, það hafa verið lið í ýmsum skipulagsbreytingum sem hafi verið gerðar innan félagsins undanfarna mánuði. Uppsögn Hólmfríðar vakti töluverða athygli, ekki síst í ljósi þess að hún er margverðlaunuð á sínu sviði og hefur leikið lykilhlutverk í uppgangi fyrirtækisins á síðustu árum. Vegna hinnar „talsverðu umræðu“ sem skapaðist um málið ákvað fyrrnefndur Friðbjörn því að senda frá sér ítarlegri skýringu á uppsögninni, sem birt var í gærkvöldi á vefsíðu Feykis.Sjá einnig: Hólmfríði sagt upp hjá IceProtein og ProtisÞar ítrekar hann að uppsögnina megi rekja til skipulagsbreytinga. Vísindastarf Fisk Seafood sé kostnaðarsamt og fyrir vikið hafi „taprekstur undanfarinna ára mælist í hundruðum milljóna króna þegar allt er talið.“ Ekki sé hægt að halda lengi áfram á þeirri vegferð án þess að reynt sé að leita leiða til að koma betra jafnvægi á reksturinn. „Eðlilegar rekstrarforsendur verða að finnast og langtímamarkmiðið í þeim efnum er að sjálfsögðu í þessari starfsemi eins og annarri að viðunandi arðsemi fáist frá rekstrinum,“ segir Friðbjörn. Hann undirstrikar að uppsögnin hafi verið sársaukafull, eins og allar hagræðingaraðgerðir, en bætir við að hann hafi ekki einn komið að þessari ákvörðun. „Það er hins vegar bæði í mínum verkahring að gera tillögur um breytingar og framkvæma þær ef um þær er samstaða. Það reyni ég að gera eins vel og mér er frekast unnt og vissulega hefði ég kosið að atburðarásin í þessu tilfelli hefði verið önnur en raun varð á,“ segir Friðbjörn um leið og hann óskar Hólmfríði velfarnaðar á nýjum vettvangi.Að neðan má sjá frétt Stöðvar 2 um starfsemi fyrirtækjanna frá í apríl síðastliðinn.Tölurnar tali öðru máli Jón Eðvald Friðriksson, fyrrverandi framkvæmdastjóri Fisk Seafood og stjórnarformaður IceProtein og Protis, dregur þessar skýringar eftirmanns síns hins vegar í efa. Í grein sem hann birti á Feyki í hádeginu, og ber yfirskriftina Sannleikurinn er sagna bestur, rekur hann rekstrarniðurstöður IceProtein áranna 2013 til 2017, árin sem Hólmfríður var framkvæmdastjóri. Félagið hafi samanlagt verið rekið með alls 7,5 milljóna króna hagnaði og heildartekjur IceProteins numið um 276,8 milljónum. Jón Eðvald segir að því sé þó ekki að neita að tap hafi verið á rekstri Protis frá 2016, sem var fyrsta rekstraár félagsins. Samanlagt tap ársins 2016 og 2017 nemi þó ekki nema 4,9 milljónum króna - víðsfjarri þeim „hundruðum milljóna“ sem Friðbjörn vísaði til í útskýringu sinni. „Heildartekjur Protis þessi tvö ár voru kr. 86,3 milljónir og samanstóðu af sölu afurða, þjónustu, styrkja úr hinum ýmsu sjóðum þar með talið þróunarsjóði KS til ýmissa verkefna. Ef afkoma beggja fyrirtækjanna er lögð saman, kemur út hagnaður sem nemur kr. 2,6 milljónum króna. Eigið fé Iceproteins var í árslok 2017 kr. 22,6 milljónir og eigið fé Protís var í árslok 2017 neikvætt að fjárhæð kr. 4,3 milljónir,“ skrifar Jón Eðvald til frekari útskýringar.Uppsögn verði endurskoðuð „Athygli skal vakin á því að kostnaður við vöruþróun og markaðsmál hefur verið gjaldfærður öll árin og því ekki neinar eignir skráðar í efnahagsreikningi félaganna, sem ekki eru áþreifanlegar. Færa má sterk rök fyrir því að ef sú leið hefði verið valin að halda fullum dampi í rekstri fyrirtækjanna og þeim mannauði, þekkingu og búnaði sem þar var til staðar, hefði eigandinn þ.e. FISK-Seafood ehf., ef hann hefði svo kosið, við sölu og eða sameiningu fyrirtækjanna við önnur fyrrtæki, fengið sinn eignarhlut metinn upp á tugi eða hundruða milljóna,“ segir Jón Eðvald ennfremur á Feyki. Að endingu hvetur hann stjórnir Fisk Seafood og Kaupfélags Skagfirðinga til að endurskoða uppsögn Hólmfríðar - „og efla þessi fyrirtæki enn frekar til hagsbóta fyrir íbúa þessa héraðs.“ Hólmfríður segist sjálf í samskiptum við Vísi ekki vilja tjá sig um málið að svo stöddu.
Sjávarútvegur Skagafjörður Vistaskipti Tengdar fréttir Hólmfríði sagt upp hjá IceProtein og Protis Hólmfríði Sveinsdóttur hefur verið sagt upp sem framkvæmdastjóra IceProtein og Protis á Sauðárkróki. 6. febrúar 2019 23:55 Framkvæmdastjóri FISK Seafood hættir Friðbjörn Ásbjörnsson aðstoðarframkvæmdastjóri Fisk Seafood hefur tekið við sem framkvæmdastjóri félagsins og er honum óskað velfarnaðar í nýju starfi. 2. nóvember 2018 11:39 Mest lesið ORA svarar fyrir fiskbúðinginn: „Stundum þarf bara pung í að gera breytingar“ Neytendur Segir stjórnendur ætla að skilja skuldirnar eftir á Íslandi Viðskipti innlent Samkaup eignast 38 prósenta hlut í Kjötkompaní Viðskipti innlent 208 sagt upp í fimm hópuppsögnum Viðskipti innlent Einn stofnenda Play og Leifur í framkvæmdastjórn Icelandair Viðskipti innlent „Hef engar upplýsingar um að eitthvað óeðlilegt hafi átt sér stað“ Viðskipti innlent Íþróttafræðin inn á vinnustaðinn: Yfirmenn ekki lengur alvitri einhyrningurinn Atvinnulíf Kaupfélagið á bak við risaviðskipti í Iceland Seafood Viðskipti innlent Eiríkur Orri til Ofar Viðskipti innlent „Það verður andskoti flókið“ Viðskipti innlent Fleiri fréttir „Hef engar upplýsingar um að eitthvað óeðlilegt hafi átt sér stað“ 208 sagt upp í fimm hópuppsögnum Einn stofnenda Play og Leifur í framkvæmdastjórn Icelandair Eiríkur Orri til Ofar Samkaup eignast 38 prósenta hlut í Kjötkompaní Segir stjórnendur ætla að skilja skuldirnar eftir á Íslandi „Það verður andskoti flókið“ Kaupfélagið á bak við risaviðskipti í Iceland Seafood Múlakaffi nýtir farþegamiðstöðina yfir veturinn „Við munum gæta réttar kröfuhafa í hvívetna“ Viðkvæm staða í björgunaraðgerðum Play Europe Horfa fram á tugmilljarða samdrátt og bíða í ofvæni eftir loðnufréttum Hætti korteri eftir peppfund með Möltufólkinu Isavia gefur strandaglópum engin grið Ásgeir og Darri til Landslaga Sahara og Olís tilnefnd til tvennra alþjóðlegra verðlauna Hvetur stjórnvöld til að veita ferðaskrifstofum lán eins og í Covid Búið að greiða laun og barnabætur Stefna á að hefja starfsemi á Möltu innan tíu vikna Snaps teygir anga sína út á Hlemm „Það er svo langt síðan að við höfðum ekki trú á Play“ Arnar Þór og Unnur Lilja skipta búi Play Bændaferðir færa sig í skemmtiferðasiglingar Fallið frá kröfum um neyðarfjarskipti á hálendinu Play með sex prósent flugsæta til og frá landinu Hrun í makríl og kolmunna Fall Play áfall en að einhverju leyti fyrirséð Segir ekki honum að kenna að Play hafi farið á hausinn Eðlilegt ef farið verður yfir eftirlit með flugfélögum Höggið á íslenska ferðaþjónustu ætti að vera takmarkað Sjá meira
Hólmfríði sagt upp hjá IceProtein og Protis Hólmfríði Sveinsdóttur hefur verið sagt upp sem framkvæmdastjóra IceProtein og Protis á Sauðárkróki. 6. febrúar 2019 23:55
Framkvæmdastjóri FISK Seafood hættir Friðbjörn Ásbjörnsson aðstoðarframkvæmdastjóri Fisk Seafood hefur tekið við sem framkvæmdastjóri félagsins og er honum óskað velfarnaðar í nýju starfi. 2. nóvember 2018 11:39