Þrettán sækja um stöðu mannauðsstjóra í Árborg

Þréttán umsækjendur eru um stöðu mannauðsstjóra hjá Sveitarfélaginu Árborg sem er nýtt starf sem var nýlega auglýst laust til umsóknar.

„Vöntun á mannauðsstjóra veldur því að forstöðumenn stofnana þurfa án stuðnings að takast á við flókin starfsmannamál sem kalla á sérþekkingu á lögum, reglum og kjarasamningum. Þetta eykur álag á stjórnendur og getur leitt til aukins kostnaðar fyrir sveitarfélagið þegar illa tekst til. Eftirlit með launaröðun starfsmanna, fjarvistum, veikindum og heilbrigðu starfsumhverfi er einnig ábótavant þegar mannauðsstjóri er ekki til staðar“, segir m.a. í greinargerð frá Gísla Halldóri Halldórssyni, bæjarstjóra um málið.

Um 700 starfsmenn vinna hjá Árborg. Ráðið verður í stöðuna á næstu dögum.

Umsækjendur um stöðuna eru eftirarandi:

Baldur Þ. Guðmundsson - Fv. útibússtjóri

Bergdís Linda Kjartansdóttir - Sérfræðingur á mannauðssviði

Elsa María Rögnvaldsdóttir - Sviðsstjóri kjaramála

Emilia Christina Gylfadóttir - Sérkennari

Hafdís Bjarnadóttir - Samskiptafulltrúi

Hólmsteinn Jónasson - Sérfræðngur í mannauðssmálum

Indriði Indriðason - Fv. sveitarstjóri

Inga Jara Jónsdóttir - Ráðgjafi

Linda Björk Hávarðardóttir - Vendor Manager

Ólöf Jóna Tryggvadóttir - Verkefnastjóri í mannauðsdeild

Stefan Petursson - Sjúkraflutningamaður

Thelma Sigurðardóttir - Fv. leikskólastjóri

Valdimar Þór Svavarsson - Fyrirlesari/ráðgjafi