Körfuboltakvöld: Berglind nýtur þess að spila með nýja Kananum

Hin bandaríska Aaryn Ellenberg-Wiley hefur komið sterk inn í lið Snæfells í Domino's deildar kvenna.

Ellenberg-Wiley er ekki einungis mikill skorari heldur hefur hún góð áhrif á liðsfélaga sína.

Berglind Gunnarsdóttir virðist sérstaklega njóta þess að spila með Ellenberg-Wiley en tölurnar hennar hafa rokið upp eftir að sú bandaríska kom í Hólminn.

Berglind skoraði t.a.m. 18 stig í öruggum sigri Snæfells á Skallagrími á miðvikudaginn.

Strákarnir í Domino's Körfuboltakvöldi fóru yfir frammistöðu Berglindar og Ellenberg-Wiley í leiknum gegn Skallagrími í síðasta þætti.

Umfjöllunina má sjá í spilaranum hér að ofan.