Avni Pepa: Ég vildi ekki taka þátt í því og fór því til Íslands Tómas Þór Þórðarson skrifar 1. júlí 2015 07:45 Avni Pepa var gerður að fyrirliða Eyjaliðsins en hann hefur verið besti leikmaður ÍBV. Vísir/Andri Marinó ÍBV vann sinn annan sigur í Pepsi-deild karla í fótbolta á sunnudaginn þegar liðið lagði sjóðheita Blika, 2-0, í 10. umferð Pepsi-deildarinnar. Eyjamenn urðu með því fyrsta liðið til að vinna Blika. Það sem meira er, þetta var í fyrsta skipti í sumar sem Breiðablik skorar ekki í deildarleik. Stór ástæða þess var Avni Pepa, miðvörður Eyjamanna. Hann átti frábæran dag í vörninni og er leikmaður 10. umferðar hjá Fréttablaðinu. „Við spiluðum skynsamlega í þessum leik í mjög miklu roki. Hálfleikirnir voru eins og svart og hvítt og það vissum við. Við vissum að við þyrftum að spila betur í seinni hálfleik og það náðum við að gera,“ segir Avni Pepa í viðtali við Fréttablaðið.Komust í gegnum Tryggva Daginn fyrir leikinn mætti Tryggvi Guðmundsson, sitjandi aðalþjálfari ÍBV, fullur á æfingu og var rekinn fyrir vikið. Avni segir það ekki hafa verið mikið mál fyrir leikmannahópinn að ná fókus fyrir leikinn daginn eftir. „Við erum atvinnumenn þannig að við einbeitum okkur bara að því sem við getum gert. Við héldum einbeitingu í leiknum. Við vildum standa okkur vel og spila sem lið og það gerðum við. Strákarnir voru tilbúnir í leikinn,“ segir Avni. Eyjamenn náðu í gott stig á útivelli gegn Val áður en þeir unnu svo Breiðablik, en þetta eru tvö af heitustu liðum deildarinnar. „Ég sé bætingu á liðinu. Við spiluðum líka vel á móti Þrótti í bikarnum og erum á réttri leið. Það voru leikir áður þar sem við spiluðum ágætlega en töpuðum en vonandi fer það að breytast. Við erum að spila sem lið núna og þegar menn vinna leiki kemur sjálfstraustið sem er svo mikilvægt,“ segir hann.Vonast eftir viðurkenningu Avni Pepa er Kósóvó-Albani en fæddur og uppalinn í Noregi. Foreldrar hans, sem eru bæði frá Kósóvó, fluttust til Noregs áður en hann fæddist. Hann er landsliðsmaður Kósóvó, en þjóðin vonast til að fá viðurkenningu FIFA og taka þátt í undankeppni HM 2018. „Okkur hefur verið sagt að við verðum teknir inn og viðurkenndir sem knattspyrnuþjóð. Það er ekki 100 prósent en við því er búist og þess vegna höfum við verið að spila vináttuleiki. Við viljum vera með eins gott landslið og hægt er þegar kemur að stóru stundinni,“ segir Avni. Kósóvó spilaði fjóra landsleiki á síðasta ári. Það byrjaði á jafntefli gegn Haítí og tapaði svo fyrir Tyrklandi og Senegal áður en liðið vann Óman. Avni er fastamaður í liðinu. „Það eru margir þarna eins og ég sem hafa aldrei búið í Kósóvó. Sumir eru fæddir í Sviss og Þýskalandi og spila með góðum liðum í þýsku 1. deildinni. Mér sjálfum líður meira sem Albana en Norðmanni þó ég elski líka Noreg. Kósóvó þarf bara meira á mér að halda,“ segir Avni.Hitti Jóhannes hjá Start Avni, sem er 26 ára gamall, hóf meistaraflokksferilinn hjá Start í Noregi árið 2007. Þar hitti hann Jóhannes Harðarson, núverandi þjálfara ÍBV fyrst. Hann var síðar á mála hjá Sandnes Ulf þar sem hann varð góður vinur Skotans Stevens Lennons sem spilar með FH. „Hann sagði mér að Ísland væri gott land og ef maður spilar vel gæti maður komist aftur út og til stærra liðs,“ segir Avni, en hvernig er að vera í Vestmannaeyjum? „Ég er ekki vanur svona litlum bæjum en ég er bara ánægður því ég er að spila fótbolta. Ég þekkti Jóa auðvitað og ÍBV er með spennandi verkefni í gangi sem ég vil vera hluti af. Það leiðir vonandi af sér að ég komist til stærra liðs.“Úrslitum hagrætt Áður en Avni kom til Íslands spilaði hann í nokkrar vikur með liði í Albaníu. Þar voru skuggalegir hlutir í gangi og því ákvað hann að róa á önnur mið. „Ég var í slæmri stöðu hjá síðasta liði þar sem ég spilaði þannig að ég rifti samningnum við liðið. Í Albaníu eru menn að gera hluti sem aðrir eru ekki vanir,“ segir Avni, en þar eru úrslitin nokkuð oft ákveðin fyrir fram. „Það voru bæði vandræði með peningagreiðslur og svo eru liðin mikið í því að gefa leikina og hagræða úrslitum. Ég vildi ekki taka þátt í því og fór því til Íslands,“ segir Avni Pepa. Pepsi Max-deild karla Mest lesið Uppgjörið: ÍBV - KR 2-1 | Fyrirliðinn tryggði fögnuð í Eyjum Íslenski boltinn Handtekin fyrir að lemja kærastann en hann vildi ekki kæra Sport Stjórnendur NBA reyna að sannfæra Real Madrid og fleiri forrík félög Körfubolti „Hefðum ekki átt að tapa þessum leik“ Íslenski boltinn Fékk vægt áfall: „Með fullt af missed calls“ Körfubolti Isak snýr aftur til æfinga með Newcastle Enski boltinn Sveindís spilaði fyrsta leikinn fyrir Angel City Fótbolti „Erfið og flókin staða“ Enski boltinn Son spilar sinn síðasta leik fyrir Tottenham á morgun Enski boltinn „Lélegasti leikurinn okkar í sumar“ Íslenski boltinn Fleiri fréttir „Lélegasti leikurinn okkar í sumar“ „Hefðum ekki átt að tapa þessum leik“ „Ég vona að tjaldið mitt sé ennþá þarna, það verður gaman í kvöld“ Uppgjörið: ÍBV - KR 2-1 | Fyrirliðinn tryggði fögnuð í Eyjum „Einhver blástur en ekkert sem á að hafa svakaleg áhrif“ ÍBV fær liðsstyrk úr Laugardal Jóhannes ræddi ekki við Val: „Ef ég ætlaði að fara frá KR var það alltaf bara út“ Kristján hættur sem þjálfari Vals en Matthías verður áfram Skoraði ekki í leiknum en dómararnir skráðu samt á hana tvö mörk Orri Hrafn í KR og getur spilað í Eyjum Alfreð og fleiri jálkar með óvænt félagaskipti yfir í Augnablik Selvén aftur í Vestra „Sætt að þetta gerðist á 91. mínútu“ KR sækir Arnar Frey af bekknum hjá HK Uppgjörið: Breiðablik - ÍBV 3-2 | Blikar í úrslit eftir ótrúlega endurkomu „Nákvæmlega það sem ég hef verið að sjá fyrir mér“ KSÍ sektar Árbæ um 250 þúsund krónur ÍR aftur á toppinn Hin efnilega Rebekka Sif til Nordsjælland frá Gróttu Sunna Rún til liðs við Íslandsmeistarana Uppbótartíminn: Hvernig lið er Stjarnan? „Ætlum að fara þarna og sækja þennan bikar“ Njarðvík á toppinn Uppgjörið: Valur - FH 2-3 | Hafnfirðingar í úrslit í fyrsta sinn FH konur ætla að skrifa söguna í kvöld KR missir sinn efnilegasta mann „Rosalega vitlaust á þessum tímapunkti í leiknum“ Trúnaðarbrestur og formaðurinn hættur Ekroth skúrkurinn í Stúkunni: „Hann grípur um andlitið, hann veit af þessu“ Sjáðu markið sem var stolið, rauða spjaldið og alla markaveislu Stjörnunnar Sjá meira
ÍBV vann sinn annan sigur í Pepsi-deild karla í fótbolta á sunnudaginn þegar liðið lagði sjóðheita Blika, 2-0, í 10. umferð Pepsi-deildarinnar. Eyjamenn urðu með því fyrsta liðið til að vinna Blika. Það sem meira er, þetta var í fyrsta skipti í sumar sem Breiðablik skorar ekki í deildarleik. Stór ástæða þess var Avni Pepa, miðvörður Eyjamanna. Hann átti frábæran dag í vörninni og er leikmaður 10. umferðar hjá Fréttablaðinu. „Við spiluðum skynsamlega í þessum leik í mjög miklu roki. Hálfleikirnir voru eins og svart og hvítt og það vissum við. Við vissum að við þyrftum að spila betur í seinni hálfleik og það náðum við að gera,“ segir Avni Pepa í viðtali við Fréttablaðið.Komust í gegnum Tryggva Daginn fyrir leikinn mætti Tryggvi Guðmundsson, sitjandi aðalþjálfari ÍBV, fullur á æfingu og var rekinn fyrir vikið. Avni segir það ekki hafa verið mikið mál fyrir leikmannahópinn að ná fókus fyrir leikinn daginn eftir. „Við erum atvinnumenn þannig að við einbeitum okkur bara að því sem við getum gert. Við héldum einbeitingu í leiknum. Við vildum standa okkur vel og spila sem lið og það gerðum við. Strákarnir voru tilbúnir í leikinn,“ segir Avni. Eyjamenn náðu í gott stig á útivelli gegn Val áður en þeir unnu svo Breiðablik, en þetta eru tvö af heitustu liðum deildarinnar. „Ég sé bætingu á liðinu. Við spiluðum líka vel á móti Þrótti í bikarnum og erum á réttri leið. Það voru leikir áður þar sem við spiluðum ágætlega en töpuðum en vonandi fer það að breytast. Við erum að spila sem lið núna og þegar menn vinna leiki kemur sjálfstraustið sem er svo mikilvægt,“ segir hann.Vonast eftir viðurkenningu Avni Pepa er Kósóvó-Albani en fæddur og uppalinn í Noregi. Foreldrar hans, sem eru bæði frá Kósóvó, fluttust til Noregs áður en hann fæddist. Hann er landsliðsmaður Kósóvó, en þjóðin vonast til að fá viðurkenningu FIFA og taka þátt í undankeppni HM 2018. „Okkur hefur verið sagt að við verðum teknir inn og viðurkenndir sem knattspyrnuþjóð. Það er ekki 100 prósent en við því er búist og þess vegna höfum við verið að spila vináttuleiki. Við viljum vera með eins gott landslið og hægt er þegar kemur að stóru stundinni,“ segir Avni. Kósóvó spilaði fjóra landsleiki á síðasta ári. Það byrjaði á jafntefli gegn Haítí og tapaði svo fyrir Tyrklandi og Senegal áður en liðið vann Óman. Avni er fastamaður í liðinu. „Það eru margir þarna eins og ég sem hafa aldrei búið í Kósóvó. Sumir eru fæddir í Sviss og Þýskalandi og spila með góðum liðum í þýsku 1. deildinni. Mér sjálfum líður meira sem Albana en Norðmanni þó ég elski líka Noreg. Kósóvó þarf bara meira á mér að halda,“ segir Avni.Hitti Jóhannes hjá Start Avni, sem er 26 ára gamall, hóf meistaraflokksferilinn hjá Start í Noregi árið 2007. Þar hitti hann Jóhannes Harðarson, núverandi þjálfara ÍBV fyrst. Hann var síðar á mála hjá Sandnes Ulf þar sem hann varð góður vinur Skotans Stevens Lennons sem spilar með FH. „Hann sagði mér að Ísland væri gott land og ef maður spilar vel gæti maður komist aftur út og til stærra liðs,“ segir Avni, en hvernig er að vera í Vestmannaeyjum? „Ég er ekki vanur svona litlum bæjum en ég er bara ánægður því ég er að spila fótbolta. Ég þekkti Jóa auðvitað og ÍBV er með spennandi verkefni í gangi sem ég vil vera hluti af. Það leiðir vonandi af sér að ég komist til stærra liðs.“Úrslitum hagrætt Áður en Avni kom til Íslands spilaði hann í nokkrar vikur með liði í Albaníu. Þar voru skuggalegir hlutir í gangi og því ákvað hann að róa á önnur mið. „Ég var í slæmri stöðu hjá síðasta liði þar sem ég spilaði þannig að ég rifti samningnum við liðið. Í Albaníu eru menn að gera hluti sem aðrir eru ekki vanir,“ segir Avni, en þar eru úrslitin nokkuð oft ákveðin fyrir fram. „Það voru bæði vandræði með peningagreiðslur og svo eru liðin mikið í því að gefa leikina og hagræða úrslitum. Ég vildi ekki taka þátt í því og fór því til Íslands,“ segir Avni Pepa.
Pepsi Max-deild karla Mest lesið Uppgjörið: ÍBV - KR 2-1 | Fyrirliðinn tryggði fögnuð í Eyjum Íslenski boltinn Handtekin fyrir að lemja kærastann en hann vildi ekki kæra Sport Stjórnendur NBA reyna að sannfæra Real Madrid og fleiri forrík félög Körfubolti „Hefðum ekki átt að tapa þessum leik“ Íslenski boltinn Fékk vægt áfall: „Með fullt af missed calls“ Körfubolti Isak snýr aftur til æfinga með Newcastle Enski boltinn Sveindís spilaði fyrsta leikinn fyrir Angel City Fótbolti „Erfið og flókin staða“ Enski boltinn Son spilar sinn síðasta leik fyrir Tottenham á morgun Enski boltinn „Lélegasti leikurinn okkar í sumar“ Íslenski boltinn Fleiri fréttir „Lélegasti leikurinn okkar í sumar“ „Hefðum ekki átt að tapa þessum leik“ „Ég vona að tjaldið mitt sé ennþá þarna, það verður gaman í kvöld“ Uppgjörið: ÍBV - KR 2-1 | Fyrirliðinn tryggði fögnuð í Eyjum „Einhver blástur en ekkert sem á að hafa svakaleg áhrif“ ÍBV fær liðsstyrk úr Laugardal Jóhannes ræddi ekki við Val: „Ef ég ætlaði að fara frá KR var það alltaf bara út“ Kristján hættur sem þjálfari Vals en Matthías verður áfram Skoraði ekki í leiknum en dómararnir skráðu samt á hana tvö mörk Orri Hrafn í KR og getur spilað í Eyjum Alfreð og fleiri jálkar með óvænt félagaskipti yfir í Augnablik Selvén aftur í Vestra „Sætt að þetta gerðist á 91. mínútu“ KR sækir Arnar Frey af bekknum hjá HK Uppgjörið: Breiðablik - ÍBV 3-2 | Blikar í úrslit eftir ótrúlega endurkomu „Nákvæmlega það sem ég hef verið að sjá fyrir mér“ KSÍ sektar Árbæ um 250 þúsund krónur ÍR aftur á toppinn Hin efnilega Rebekka Sif til Nordsjælland frá Gróttu Sunna Rún til liðs við Íslandsmeistarana Uppbótartíminn: Hvernig lið er Stjarnan? „Ætlum að fara þarna og sækja þennan bikar“ Njarðvík á toppinn Uppgjörið: Valur - FH 2-3 | Hafnfirðingar í úrslit í fyrsta sinn FH konur ætla að skrifa söguna í kvöld KR missir sinn efnilegasta mann „Rosalega vitlaust á þessum tímapunkti í leiknum“ Trúnaðarbrestur og formaðurinn hættur Ekroth skúrkurinn í Stúkunni: „Hann grípur um andlitið, hann veit af þessu“ Sjáðu markið sem var stolið, rauða spjaldið og alla markaveislu Stjörnunnar Sjá meira