Helena einni stoðsendingu frá þrennu í Haukasigri

Haukar náðu að jafna topplið Snæfells að stigum á toppi Domino's-deildar kvenna með sigri á Keflavík á heimavelli, 69-61.

Helena Sverrisdóttir var að venju í stóru hlutverki hjá Haukum en hún var aðeins einni stoðsendingu frá þrefaldri tvennu. Hún var með 23 stig, sextán fráköst og níu stoðsendingar.

Haukar náðu forystunni snemma leiks og létu hana aldrei af hendi, þó svo að Keflvíkingar hafi aldrei verið langt undan. Melissa Zornig skoraði 30 stig fyrir Keflavík í kvöld.

Valskonur unnu svo nokkuð öruggan sigur á Val, 88-67, eftir að hafa verið með þrettán stiga forystu í hálfleik, 46-33. Karisma Chapman var stigahæst með 31 stig hjá Valskonum en Suriya McGuire var með 25 fyrir Hamar.

Grindavík vann svo Stjörnuna í Garðabæ í kvöld eins og lesa má um hér og er í þriðja sæti deildarinnar með tólf stig, fjórum stigum á eftir toppliðum Snæfells og Hauka.

Keflavík og Valur eru með átta stig, Stjarnan fjögur og Hamar tvö.

Úrslit kvöldsins:

Hamar-Valur 67-88 (21-29, 12-17, 17-20, 17-22)

Hamar: Suriya McGuire 25/7 fráköst/4 varin skot, Heiða Björg Valdimarsdóttir 15, Íris Ásgeirsdóttir 9/8 fráköst/5 stoðsendingar, Jóhanna Herdís Sævarsdóttir 6, Jenný Harðardóttir 6, Salbjörg Ragna Sævarsdóttir 2/11 fráköst, Vilborg Óttarsdóttir 2, Margrét Hrund Arnarsdóttir 2.

Valur: Karisma Chapman 31/14 fráköst, Bergþóra Holton Tómasdóttir 11, Guðbjörg Sverrisdóttir 10/7 fráköst/8 stoðsendingar, Hallveig Jónsdóttir 9, Dagbjört Samúelsdóttir 7, Sóllilja Bjarnadóttir 6, Dagbjört Dögg Karlsdóttir 5, Jónína Þórdís Karlssdóttir 4, Margrét Ósk Einarsdóttir 3/5 fráköst, Ragnheiður Benónísdóttir 2, Regína Ösp Guðmundsdóttir 0/5 fráköst.

Haukar-Keflavík 69-61 (17-13, 23-12, 17-21, 12-15)

Haukar: Helena Sverrisdóttir 23/16 fráköst/9 stoðsendingar/5 stolnir, Pálína María Gunnlaugsdóttir 16/9 fráköst, Eva Margrét Kristjánsdóttir 8, Sylvía Rún Hálfdanardóttir 7/9 fráköst, Þóra Kristín Jónsdóttir 5/4 fráköst, María Lind Sigurðardóttir 4, Sólrún Inga Gísladóttir 3, Dýrfinna Arnardóttir 2, Hanna Þráinsdóttir 1, Jóhanna Björk Sveinsdóttir 0/5 fráköst.

Keflavík: Melissa Zornig 30, Guðlaug Björt Júlíusdóttir 10/4 fráköst/5 stoðsendingar, Emelía Ósk Gunnarsdóttir 7, Thelma Dís Ágústsdóttir 5, Sandra Lind Þrastardóttir 4/13 fráköst, Marín Laufey Davíðsdóttir 3, Þóranna Kika Hodge-Carr 2.