Ægir með 24 stig í sigri KR

Landsliðsmaðurinn Ægir Þór Steinarsson lék sinn annan leik fyrir KR þegar Íslandsmeistararnir unnu níu stiga sigur, 86-77, á ÍR í Lengjubikarnum í körfubolta í kvöld.

Ægir skoraði 24 stig í kvöld en Vilhjálmur Kári Jensson kom næstur með 19 stig. Brynjar Þór Björnsson skoraði 15 stig og þeir Snorri Hrafnkelsson og Darri Hilmarsson 12 stig hvor.

Oddur Rúnar Kristjánsson skoraði 19 stig í liði ÍR en Sveinbjörn Claessen kom næstur með 16 stig.

Í Lengjubikar kvenna vann Keflavík öruggan sigur á Hamri, 49-79.

Keflavíkurkonur höfðu mikla yfirburði í leiknum en skotnýting Hvergerðinga var skelfileg, eða 22%.

Allir 12 leikmenn á skýrslu hjá Keflavík komust á blað en Melissa Zorning var þeirra stigahæst með 15 stig. Sandra Lind Þrastardóttir, Guðlaug Björt Júlíusdóttir og Marín Laufey Davíðsdóttir komu næstar með átta stig hver.

Íris Ásgeirsdóttir var stigahæst í liði Hamars með 13 stig.

Hamar-Keflavík 49-79 (11-18, 12-21, 15-23, 11-17)

Hamar: Íris Ásgeirsdóttir 13/4 fráköst, Heiðrún Kristmundsdóttir 11/9 fráköst, Jenný Harðardóttir 8, Salbjörg Ragna Sævarsdóttir 6/7 fráköst, Katrín Eik Össurardóttir 4/4 fráköst, Vilborg Óttarsdóttir 3, Jóhanna Herdís Sævarsdóttir 2, Nína Jenný Kristjánsdóttir 1, Jóna Sigríður Ólafsdóttir 1, Elín Sóley Hrafnkelsdóttir 0, Hrafnhildur Magnúsdóttir 0, Helga Vala Ingvarsdóttir 0.

Keflavík: Melissa Zorning 15/4 fráköst, Guðlaug Björt Júlíusdóttir 8/8 fráköst, Sandra Lind Þrastardóttir 8/7 fráköst, Marín Laufey Davíðsdóttir 8/6 fráköst, Irena Sól Jónsdóttir 7, Emelía Ósk Gunnarsdóttir 7/3 varin skot, Thelma Dís Ágústsdóttir 7/9 fráköst, Katla Rún Garðarsdóttir 7, Lovísa Ósk Gunnarsdóttir 6, Þóranna Kika Hodge-Carr 2, Svanhvít Ósk Snorradóttir 2, Elfa Falsdottir 2.