Náðu að vinna sterkt spænskt lið

Leikurinn var jafn í fyrri hálfleik en Gummersbach náði fínni forystu snemma í leiknum. Það var þó erfitt að viðhalda henni því spænska liðið var ekki mikið að fara illa með færin sín.

CB Ciudad er sterkt lið og endaði í öðru sæti spænsku úrvalsdeildarinnar á síðasta tímabili og því um virkilega sterkt lið að mæta. Lærisveinar Guðjóns Vals voru þó yfirvegaðir þar sem lögðu ekki árar í bát og voru með eins marks forystu í hálfleik.

Í byrjun seinni hálfleiks var leikurinn jafn og skoruðu bæði lið til skiptis en Elliði Snær Viðarsson steig upp þegar það skipti máli og skoraði fyrir Gummersbach. Eftir því sem leið á seinni hálfleikinn náði Gummersbach að teygja sig frá spænska liðinu og unnu að lokum 34-30 sigur.

Tilen Kodrin var markahæstur í liði Gummersbach með sjö mörk en Nikola Roganovic var einnig með sjö mörk. Íslendingarnir í liðinu stóðu sig vel og náði Elliði Snær að skora fimm mörk ásamt því að sinna góðri varnarvinnu. Teitur Örn Einarsson náði einnig að koma sér á blað með einu marki fyrir Gummersbach.