Fluttur á lög­reglu­stöð til að sanna hver hann væri

Er þetta meðal þess sem fram kemur í dagbók lögreglu frá því klukkan fimm í morgun. Þar er einnig greint frá því að alls hafi fjörutíu og sex mál verið skráð í kerfi lögreglunnar en í það minnsta tveir verið vistaðir í fangageymslum.

Vakthafandi lögreglufulltrúar á stöð 1, sem sinnir verkefnum í Austurbæ, Vesturbæ, Miðborginni og á Seltjarnarnesi, aðstoðuðu sjúkraflutningsmenn í útkalli á tímabilinu. Þá var einn handtekinn og vistaður í fangageymslum grunaður um að hafa ráðist á annan en ekki liggja frekari málsatvik fyrir né hvort um alvarlega líkamsárás hafi verið að ræða.

Á lögreglustöð tvö sem sinnir verkefnum í Hafnarfirði og í Garðabæ er eitt heimilisofbeldismál til rannsóknar en á varðsvæðinu var einnig eitthvað um hraðaakstur á umræddu tímabili.

Tilkynnt var um þjófnað í verslun en ekkert kemur fram í dagbók um hvort miklu hafi verið stolið en verslunin er á varðsvæði lögreglustöðvar þrjú, þá annaðhvort í Kópavogi eða Breiðholti. Ökumaður sem ók undir áhrifum áfengis varð valdur að umferðaróhappi á varðsvæðinu.

Annað tilkynnt heimilisofbeldismál er til rannsóknar í umdæmi lögreglustöðvar fjögur sem nær yfir Grafarvog, Árbæ og Mosfellsbæ en það koma engar frekari upplýsingar fram í dagbókinni nema að það sé til rannsóknar.