Viðskipti innlent

Oculis tekur kipp í örviðskiptum eftir til­kynningu

Árni Sæberg skrifar
Einar Stefánsson hringdi Kauphallarbjöllunni þegar Oculis var skráð á markað hérlendis. Hann hefur byggt upp Oculis ásamt Þorsteini Loftssyni frá stofnun árið 2003.
Einar Stefánsson hringdi Kauphallarbjöllunni þegar Oculis var skráð á markað hérlendis. Hann hefur byggt upp Oculis ásamt Þorsteini Loftssyni frá stofnun árið 2003. Vísir/Vilhelm

Gengi lyfjafyrirtækisins Oculis hefur hækkað um tæp sjö prósent í tveimur viðskiptum fyrir alls 363 þúsund krónur í morgun. Félagið gaf út tilkynningu í gær um jákvæð viðbrögð taugasjúkdómadeildar Matvæla- og lyfjaeftirlits Bandaríkjanna við umsókn varðandi klíníska þróunaráætlun lyfsins Privosegtor við bráðum MS-köstum.

Í tilkynningu Oculis til Kauphallar segir að eftirlitið hafi staðfest að núverandi gögn um Privosegtor megi nota til krossvísunar í nýrri umsókn um rannsóknarlyf vegna bráðra MS-kasta, sem áætlað sé að leggja fram á fjórða ársfjórðungi 2026

Privosegtor, nýtt taugavarnarlyf, haldi áfram að þróast á helstu sviðum taugasjónfræði, þar á meðal við sjóntaugakvillum og bráðum MS-köstum, og sé að umbreyta Oculis í leiðandi fyrirtæki á sviði taugasjónfræði

Oculis muni halda rafrænan fund um rannsóknir og þróun félagsins á fjórða ársfjórðungi 2026 til að veita frekari upplýsingar um klínískar rannsóknir sínar.

Oculis Kauphöllin Lyf Nýsköpun


Mest lesið


Fleiri fréttir

Sjá meira


×

Mest lesið