Eldur í Bryggju­hverfi

Eldur hafi kviknað í klæðningu þaks. Slökkvilið hefur sent dælubíl á staðinn.

Að sögn sjónarvotts eru fimm slökkviliðsbílar á staðnum auk kranabíls. Einnig séu tveir sjúkrabílar á vettvangi. Eldurinn hafi kviknað í fjölbýlishúsi en nokkrir slökkviliðsmenn reyni nú að ráða niðurlögum eldsins á þaki þess. 

Slökkviliðið á höfuðborgarsvæðinu segir að allt tiltækt slökkvilið hafi verið sent á vettvang. Ekki sé hægt að fullyrða að svo stöddu hvort einhver íbúa hússins hafi verið heima þegar kviknaði í. Tilkynning hafi borist slökkviliði klukkan 10:32. Unnið sé að því að rífa bárujárn af þakinu. 

Fréttin verður uppfærð.