Bestu-deildarpar á von á barni saman

Bestu-deildarparið á von á barni saman og Barbára Sól missir því af restinni af tímabilinu með Breiðabliki.

Barbára Sól varð Íslands- og bikarmeistari með Blikum í fyrra og skilur við liðið á toppi deildarinnar. Hún er lykilmaður hjá Blikum og verður örugglega sárt saknað.

Karl Friðleifur varð á sama tíma Íslandsmeistari með Víkingi en Víkingsliðið er einnig á toppnum í dag.

Barbára Sól birti mynd af þeim skötuhjúum saman með sónarmynd af barninu og undir skrifaði hún „Mamma & pabbi“. Hana má sjá hér fyrir neðan.

Vísir óskar þeim Barbáru og Karli til hamingju með barnalukkuna en vonumst jafnframt eftir því að sjá Barbáru Sól aftur inni á vellinum í framtíðinni.