Körfubolti

Einn efni­legasti leik­maður landsins á­fram í Haukum

Stefán Árni Pálsson skrifar
Kristófer fær það verkefni að reyna koma Haukum upp í efstu deild.
Kristófer fær það verkefni að reyna koma Haukum upp í efstu deild.

Körfuboltamaðurinn Kristófer Breki Björgvinsson hefur skrifað undir tveggja ára samning við Hauka og verður því áfram hjá sínu uppeldisfélagi næsta vetur í baráttunni um sæti í Bónusdeildinni.

Þetta kemur fram í tilkynningu frá körfuknattleiksdeild Hauka.

Kristófer Breki varð fyrir hræðilegum meiðslum í fyrra en eftir stífa endurhæfingu hefur hann jafnað sig á þeim. Hann sleit þá krossband í úrslitakeppni 1.deildarinnar á síðasta ári en hann var partur af Ármannsliðinu sem kom sér upp í efstu deild þá.

Kristófer Breki hefur verið fastamaður í yngri landsliðum Íslands og verið valinn einn af efnilegustu leikmönnum í Evrópu.

„Það er mjög sterkt að fá Kristófer Breka inn í liðið, hann er mjög hæfileikaríkur Haukastrákur og á eftir að hjálpa okkur mikið. Við viljum byggja á þeim grunni sem er í félaginu og að tryggja sér krafta Kristófers er stór liður í þeirri stefnu,” segir Pétur Ingvarsson þjálfari Hauka.




Fleiri fréttir

Sjá meira


×