Körfubolti

Einum sigur­leik frá Bónus deildinni

Aron Guðmundsson skrifar
Sindri körfubolti
Sindri körfubolti Sindri/Gunnar Stígur

Sindri frá Höfn í Hornafirði er einum sigurleik frá sæti í Bónus deildinni eftir sigur gegn Breiðabliki í þriðja leik liðanna í úrslitaeinvígi 1.deildar. Lokatölur 91-77 Sindra í vil.

Leikur kvöldsins fór fram á Höfn í Hornafirði og settu heimamenn tóninn fyrir leikinn strax í fyrsta leikhluta þar sem þeir skoruðu 30 stig á móti aðeins 13 stigum frá Breiðabliki.

Forystuna létu Sindramenn aldrei af hendi og sigldu að lokum heim fjórtán stiga sigri 91-77 og eru því komnir 2-1 yfir í einvíginu. 

Liðin mætast næst í Smáranum í Kópavogi en með sigri þar getur Sindri tryggt sér sæti í Bónus deildinni á næsta tímabili. Sigur Breiðabliks mun knýja fram oddaleik. 

Bónus-deild karla Sindri Breiðablik

Mest lesið


Fleiri fréttir

Sjá meira


×

Mest lesið