Viðskipti innlent

Hús­næði Kjötborgar til sölu

Agnar Már Másson skrifar
Bræðurnir Gunnar og Kristján Jónassyni opnuðu Kjötborg árið 1981.
Bræðurnir Gunnar og Kristján Jónassyni opnuðu Kjötborg árið 1981. vísir/vilhelm

„Tilvalið til að breyta í íbúð,“ stendur í auglýsingu fyrir húsnæði Kjötborgar sem hefur nú verið sett á sölu. Verslunarhúsnæðið er tæplega nírætt og búðin sem þar er til húsa er ein sú rótgrónasta í Reykjavík.

Verslunarhúsnæðið að Ásvallagötu 19 var í dag skráð til sölu á fasteignavef Vísis en þar hefur matvöruverslunin Kjötborg verið til húsa í áratugi. 

Húsnæðið er verðsett 55 milljónir króna en um 88 fermetra húsnæði er að ræða auk óskráðs kjallara, sem er um 40 fermetrar. Það er Höfði fasteignasala sem sér um söluna.

Steinhúsið var byggt 1928. Verslunin var stofnuð árið 1958 í smáíbúðahverfinu en færði sig svo að Ásvallagötuna árið 1981.  

Í dag er hún rekin af bræðrunum Gunnari og Kristjáni Jónassonum en eru þeir löngu orðnir eins konar goðsagnir í Vesturbænum. 

Gunnar H. Jónasson starfar í Kjötborg en hann hefur verið einn af síðustu „kaupmönnunum á horninu“.Vísir/Steingrímur Dúi

Heimildarmynd var gerð um þá bræður árið 2000 og svo aftur árið 2008 þar sem sviðsljósinu er beint að stríði þeirra gegn ráðandi markaðsöflum og bryttum neysluvenjum þjóðarinnar.

Bræðurnir voru valdir Reykvíkinga ársins 2014 en þeir hafa verið kallaðir síðustu móhíkanar í stétt smákaupmanna.

Matvöruverslun Verslun Reykjavík Hús og heimili Fasteignamarkaður

Tengdar fréttir

Dagur hyggst bjóða Kjöt­borgar­bræðrum í kaffi

Dagur B. Eggerts­son, borgar­stjóri, hyggst bjóða eig­endum Kjöt­borgar, bræðrunum Gunnari og Kristjáni Jónas­sonum til sín í kaffi. Hann vill skoða lausnir vegna gjald­skyldu við búð bræðranna að er­lendri fyrir­mynd.



Mest lesið


Fleiri fréttir

Sjá meira


×

Mest lesið