Sindri sópaði Snæ­felli en Fjölnis­menn héldu sér á lífi gegn KV

Sindramenn unnu 88-78 sigur á heimavelli gegn Snæfelli í kvöld. Jason Gigliotti var allt í öllu hjá heimamönnum á Höfn í Hornafirði, skoraði 30 stig og tók 10 fráköst auk þess að gefa stoðsendingu.

Fjölnismenn unnu 97-83 sigur á heimavelli gegn KV. Viktor Máni Steffensen fór fremstur í flokki Fjölnis og skoraði 27 stig, auk þess að gefa 7 stoðsendingar og grípa 3 fráköst.

KV leiðir einvígið 2-1 og liðin mætast næst í Vesturbænum.

Í hinum einvígunum er Breiðablik 2-0 yfir gegn Skallagrími en staðan er jöfn 1-1 hjá Haukum og Selfossi. Þriðju leikirnir í þeim einvígum fara fram á morgun.