Viðskipti innlent

Markaðurinn tók tíðindunum vel

Berghildur Erla Bernharðsdóttir skrifar
Icelandair er á leið til Möltu gangi áætlanir eftir.
Icelandair er á leið til Möltu gangi áætlanir eftir. Vísir

Forstjóri Icelandair segir það koma í ljós á næstu vikum hvort félagið kaupi tæpan helming í Fly Play Europe á Möltu, dótturfélagi Play sáluga. Félagið sem var stofnað árið 2024, býður á heimasíðu upp á leiguflug og áhafnir.  

Icelandair tilkynnti í Kauphöll í morgun að félagið væri að kanna kaup á tæplega helmingshlut í félaginu Fly Play Europe sem er skráð á Möltu og er með flugrekstrarleyfi þar.

Klippa: Icelandair á leið til Möltu

Stofnað fyrir einu og hálfu ári

Fly Play Europe var stofnað í nóvember 2024 af flugfélaginu Play sem varð gjaldþrota á síðasta ári.

Lágmarksstarfsemi eftir gjaldþrotið

Alls störfuðu 20 manns hjá Fly Play Europe á skrifstofunni á Möltu þegar Play fór í þrot en þá var öllum sagt upp fyrir utan fimm starfsmenn sem þurftu að vera eftir svo flugrekstrarleyfið yrði ekki gert ógilt. 

Vefsíða Fly Play Europe er enn í loftinu þar sem er boðið upp á leiguflug með áhöfnum.

Frá vefsíðu Fly Play Europe. https://flyplayeurope.com/about/Vísir

Bogi Nils Bogason forstjóri Icelandair hefur gefið út að verið sé að skoða kaupin til að efla félagið. 

Jákvæð viðbrögð

Hlutabréfamarkaður tók tíðindunum vel í dag en gengi Icelandair í Kauphöll hækkaði um tæplega sex prósent í 64 viðskiptum. Gengi á hvern hlut stendur nú í 0,74. Það er þó talsvert frá útboðsgengi félagsins árið 2020 sem var ein króna á hlut. 

Samgöngur Gjaldþrot Play Icelandair Fjármálamarkaðir Kauphöllin


Mest lesið


Fleiri fréttir

Sjá meira


×

Mest lesið