Strákarnir okkar með Serbíu og Úkraínu í riðli

Íslenska landsliðið náði fjórða sætinu á síðasta Evrópumóti, fyrr á þessu ári, sem tryggði liðinu sæti á HM en kom þó ekki í veg fyrir að liðið færi í undankeppni fyrir næsta Evrópumót.

Auk þess að lenda í riðli með Serbíu og Úkraínu þá er Eistland einnig í riðli með íslenska landsliðinu.

Alfreð Gíslason og lærisveinar hans í þýska landsliðinu lentu í riðli með Ítalíu, Belgíu og Slóvakíu.

Dagur Sigurðsson og lærisveinar hans í króatíska landsliðinu lentu í riðli með Hollandi, Litháen og Finnlandi.

Úrslitakeppni Evrópumótsins 2028 fer fram í þremur löndum: Spáni, Portugal og Sviss, frá 13. til 30. janúar 2028.

Fyrstu tvö liðin í hverjum riðli tryggja sér sæti á EM 2028 en þangað komast einnig fjögur af átta liðum sem enda í þriðja sæti í sínum riðli.

Undankeppnin hefst á komandi vetri en leikirnir verða spilaðir í þremur tveggja leikja gluggum í nóvember 2026, mars 2027 og maí 2027.