Handbolti

Hópurinn sem á að koma Ís­landi á fjórða stórmótið í röð

Sindri Sverrisson skrifar
Elín Klara Þorkelsdóttir og Sandra Erlingsdóttir ætla á EM í desember og sigurinn magnaði gegn Svartfellingum jók líkurnar á því til muna.
Elín Klara Þorkelsdóttir og Sandra Erlingsdóttir ætla á EM í desember og sigurinn magnaði gegn Svartfellingum jók líkurnar á því til muna. vísir/Hulda Margrét

Arnar Pétursson, þjálfari kvennalandsliðs Íslands í handbolta, kynnti í dag nýjasta leikmannahóp sinn, í beinni útsendingu á Vísi. Fram undan eru leikir sem ráða því hvort Ísland verður með á EM í lok þessa árs.

Íslenski hópurinn kemur saman í Færeyjum 6. apríl og spilar svo við heimakonur 8. apríl. Eftir þann leik heldur liðið svo til Íslands og spilar við Portúgal á Ásvöllum 12. apríl, leik sem mögulega gæti skilað Íslandi á sjálft Evrópumótið.

Leikmannahópur Íslands:

  • Markverðir:
  • Hafdís Renötudóttir
  • Sara Sif Helgadóttir
  • -
  • Vinstra horn:
  • Rakel Oddný Guðmundsdóttir
  • Harpa María Friðgeirsdóttir
  • -
  • Vinstri skyttur:
  • Andrea Jacobsen
  • Lovísa Thompson
  • -
  • Miðjumenn:
  • Elín Rósa Magnúsdóttir
  • Elín Klara Þorkelsdóttir
  • Sandra Erlingsdóttir
  • -
  • Hægri skyttur:
  • Díana Dögg Magnúsdóttir
  • Sara Dögg Hjaltadóttir
  • -
  • Hægra horn:
  • Katrín Anna Ásmundsdóttir
  • Sonja Lind Sigsteinsdóttir
  • -
  • Línumenn:
  • Elísa Elíasdóttir
  • Katrín Tinna Jensdóttir
  • Matthildur Lilja Jensdóttir

Hópferð verður á leikinn í Færeyjum sem HSÍ stendur fyrir í samstarfi við Icelandair. Samherji ætlar svo að bjóða Íslendingum að mæta frítt á leikinn við Portúgal og verða miðar í boði á stubb.is.

Hægri skyttan Thea Imani Sturludóttir og vinstri hornamaðurinn Dana Björg Guðmundsdóttir eru ekki í leikmannahópnum, vegna meiðsla.

Hafdís Renötudóttir er hins vegar klár í slaginn og reiknar með að geta byrjað að spila að nýju um helgina, eftir að hafa dottið út vegna höfuðmeiðsla í síðasta landsliðsverkefni.

Leikmannahópur Íslands var kynntur á fundi HSÍ í höfuðstöðvum Arion í dag.

Eftir sigurinn frækna gegn Svartfjallalandi í byrjun mars er Ísland með örlögin í eigin höndum. Liðið er þó enn neðst í sínum riðli, með tvö stig, en Færeyjar og Portúgal með fjögur stig hvort og Svartfellingar sex. Efstu tvö liðin fara á EM og fjögur lið með bestan árangur í 3. sæti, í undanriðlunum sex, komast einnig á mótið.

Evrópumótið sjálft fer fram í desember og gæti orðið fjórða stórmótið í röð sem Ísland kemst á. Mótið fer fram í fimm löndum: Tékklandi, Póllandi, Rúmeníu, Slóvakíu og Tyrklandi.

EM kvenna í handbolta 2026 Landslið kvenna í handbolta

Mest lesið


Fleiri fréttir

Sjá meira


×

Mest lesið