Loka verslun Next í Kringlunni

Í tilkynningu á Facebook kemur fram að 50 prósenta afsláttur sé af öllum vörum og að ekki verði hægt að skila þeim. Verslunin er við hlið H&M í Kringlunni. 

Verslunin hefur verið rekin á Íslandi um árabil en lokaði þó tímabundið í kringum 2008. Árið 2010 keypti Haraldur Bergsson verslunina af Sverri Berg Steinarssyni og Ragnhildi Önnu Jónsdóttur sem stofnuðu til rekstursins árið 2003. 

Ekki hefur tekist að ná á neinn í verslun vegna lokunarinnar en búið er að loka símanúmeri sem gefið er upp.

Fréttin hefur verið uppfærð með upplýsingum um nýjan eiganda. Verslunin hefur ekki verið í eigu Ragnhildar og Sverris frá 2010.