Segir að sigurkarfa Elvars hafi verið ó­lög­leg

Elvar skoraði sigurkörfuna um leið og leiktíminn rann út eftir að hafa losað sig frá varnarmanni Litháen með nokkrum gabbhreyfingum. Hann hafði skorað meira en allt litáenska landsliðið í fjórða leikhlutanum þar sem íslensku strákarnir unnu upp 21 stigs forskot.

Stóra stundin var þó í lokin þegar Ísland var einu stigi undir og þurfti körfu á nokkrum sekúndum. Elvar fékk boltann til að búa eitthvað ótrúlegt til, sem hann gerði.

Menn með körfuboltareglurnar á hreinu fóru að skoða körfuna og komust að því að það hafði verið tvisvar hægt að dæma skref á Elvar þessar nokkru sekúndur sem hann var með boltann.

268 þúsund manns hafa þannig horft á þjálfara að nafni Richard greina það hvernig dómarar leiksins misstu af tveimur skrefadómum þegar Elvar var að koma sér í frítt skot.

Elvar skrefar fyrst stuttu eftir að hann fær boltann þegar hann fer fyrst af stað. Hann skrefar síðan aftur þegar hann skiptir um stöðufót áður en hann losar sig alveg frá varnarmanni sínum.

Hér fyrir neðan má sjá rökstuðninginn á því af hverju þetta var skref, ekki einu sinni heldur tvisvar.