Ó­lína fyllir í skarð Margrétar á Bif­röst

Margrét greindi frá afsögn sinni í viðtali í Ríkisútvarpinu á mánudag. Afsögnin kom í kjölfar harðrar gagnrýni starfsmanna og nemenda í garð hennar og fleiri stjórnenda á Bifröst.

Mál Margrétar, rannsóknarstjóra skólans og forseta viðskiptadeildar gegn þremur kennurum við skólann í vetur olli ekki síst úlfúð. Rektor bað siðanefnd að kanna hvort kennararnir hefðu verið ranglega skráðir meðhöfundar að greinum. Virðast stjórnendurnir meðal annars hafa notað gervigreindarforrit til að leggja mat á það.

Siðanefndin hreinsaði starfsmennina af sök í síðustu viku. Stjórn háskólans sagðist ekki gera athugasemdir við störf Margrétar í kjölfarið. Sjálf lýsti Margrét niðurstöðunni sem þeirri bestu mögulegu.

Einn starfsmannanna þriggja var rekinn í sömu viku og honum var sagt frá því að siðanefndin skoðaði framlag hans til vísindagreina í nóvember. Ástæðan var sögð trúnaðarbrestur vegna þess að hann kenndi áfanga við Háskólann á Akureyri.

Ólína var meðal annars skólameistari við Menntaskólann á Ísafirði í hálfan áratug. 

„Starfsfólk og stjórn háskólans þakkar dr. Margréti Njarðvík fráfarandi rektor fyrir framlag hennar til háskólans á undanförnum árum og óskar henni velfarnaðar í framtíðinni,“ segir í tilkynningu frá Háskólanum á Bifröst í dag.

Fréttin hefur verið uppfærð.