Bað um að fara frá Kefla­vík

Valur Orri gekk til liðs við Keflavík frá Grindavík fyrir tímabilið en hefur aðeins komið við sögu í þremur leikjum. Hann verður 32 ára á árinu og er í leit að nýju félagi.

Valur er uppalinn Njarðvíkingur en spilaði áður með Keflavík frá 2011-16 og aftur frá 2020-23 eftir að hafa verið í háskóla í Bandaríkjunum.

„Körfuknattleiksdeild Keflavíkur vill þakka honum innilega fyrir hans framlag á þeim tíma sem hann lék með liðinu og óskum honum alls hins besta í framtíðinni“ segir í tilkynningu félagsins.

Keflavík tekur á móti Ármanni í næstu umferð Bónus deildar karla. Leikurinn fer fram í Blue höllinni á fimmtudaginn klukkan 19:15 og verður í beinni útsendingu á sportrásum Sýnar.