Nýjar á­kærur á hendur Rus­sell Brand

Hin nýju meintu brot eiga að hafa átt sér stað árið 2009, og snúa þau að tveimur konum, en fjallað erum málið á vettvangi breska ríkisútvarpsins.

Hinn fimmtíu ára gamli Russell Brand mætir í dómsal 20. janúar næstkomandi til að svara fyrir nýju ákærurnar.

Réttarhöld munu fara fram í júní á næsta ári vegna ákæranna fimm sem áður höfðu komið fram, en hann hefur verið ákærður fyrir að hafa nauðgað konu í Bournemouth árið 1999, Fyrir að hafa ráðist kynferðislega á konu í Westminster í Lundúnum árið 2001, fyrir að hafa nauðgað konu í sama hverfi árið 2004 og fyrir að hafa ráðist kynferðislega á konu í Lundúnum á árunum 2004 og 2005.

Brand neitar sök í öllum þessum málum. Í apríl sagðist hann hafa verið hálfviti, eiturlyfja- og kynlífsfíkill, en aldrei nauðgari. Hann væri þakklátur að geta fengið að verja sig í réttarhöldum.

Lionel Idan, saksóknari í Suður-Lundúnum, segir í viðtali við Telegraph að hinar nýju ákærur snúi að frásögnum tveggja ótengdra kvenna um kynferðisbrot árið 2009.

„Saksóknarar okkar hafa komist að þeirri niðurstöðu að sönnunargögnin sem fyrir liggja í málinu ættu að duga til þess að fara með malið fyrir dóm.“

Konurnar sem Brand hefur verið ákærður um að hafa brotið gegn eru nú orðnar sex.