Innlent

Tveir fluttir til að­hlynningar eftir á­rekstur á Suður­lands­vegi

Eiður Þór Árnason skrifar
Einn var í hvorum bíl og voru þeir fluttir með sjúkrabíl til aðhlynningar.
Einn var í hvorum bíl og voru þeir fluttir með sjúkrabíl til aðhlynningar. Aðsend

Tveir voru fluttir á Heilbrigðisstofnun Suðurlands eftir árekstur á Suðurlandsvegi nú síðdegis. Ökumaður bifreiðar sem var að keyra Suðurlandsveginn keyrði inn í hliðina á öðrum bíl sem var að beygja inn á veginn með þeim afleiðingum að sá síðarnefndi valt.

Einn var í hvorum bíl og þurfti ekki að beita klippum til að ná þeim út en framrúða var fjarlægð úr öðrum þeirra.

Þetta segir Pétur Pétursson, slökkviliðsstjóri hjá Brunavörnum Árnessýslu, í samtali við fréttastofu en tilkynning barst þeim um slysið klukkan 17:37. Hann vildi ekki fullyrða um alvarleika meiðsla að svo stöddu en segir það markvert að ekki hafi þurft að beita klippum. 

Fréttin hefur verið uppfærð.

Samgönguslys

Mest lesið


Fleiri fréttir

Sjá meira


×

Mest lesið