Viðskipti innlent

Fram­kvæmda­stjóri Smáríkisins á­kærður

Árni Sæberg skrifar
Ýmiss konar áfengi fæst nú keypt hjá fjölda netverslana með áfengi, til að mynda bjór eins og þessi.
Ýmiss konar áfengi fæst nú keypt hjá fjölda netverslana með áfengi, til að mynda bjór eins og þessi. Vísir/Vilhelm

Lögreglustjórinn á höfuðborgarsvæðinu hefur ákært framkvæmdastjóra félags sem heldur utan um rekstur Icelandic Trading Company b.v, sem rekur netsölu með áfengi undir merkjum Smáríkisins.

Þetta staðfestir Heiðar Ásberg Atlason lögmaður í samtali við Vísi. Viðskiptablaðið greindi fyrst frá. Um er að ræða fyrstu ákæruna sem gefin hefur verið út vegna meints brots á ákvæði áfengislaga um einkarétt ríkisins til smásölu áfengis, með því að selja áfengi í gegnum erlenda netsölu. Ákæran var birt í gær og málið verður þingfest eftir tæpar tvær vikur. 

Rúmlega fimm ár í vinnslu

Ákæran hefur verið nokkuð lengi í burðarliðnum en tvær kærur vegna ætlaðrar ólögmætrar netverslunar með áfengi voru lagðar fram fyrir liðlega fimm árum. Í byrjun júní komu málin inn á borð ákærusvið Lögreglunnar á höfuðborgarsvæðinu á ný, eftir að sviðið hafði sent málin aftur í rannsókn hjá lögreglu.

Hingað til hefur lögreglan ekki viljað láta uppi að hvaða netverslunum kærurnar tvær beindust en nú liggur fyrir að önnur þeirra var Smáríkið. Arnar Sigurðsson, eigandi Santé, sagði í samtali við Ríkisútvarpið á dögunum að honum hefði verið tjáð af lögreglumanni að hann ætti yfir höfði sér ákæru. Við það tilefni sagði Hildur Sunna Pálmadóttir, sviðsstjóri ákærusviðs, í samtali við blaðamann að engin ákvörðun þess efnis hefði verið tekin.

Allt að sex ára fangelsi

Heiðar Ásberg segir ákæruna á hendur framkvæmdastjóranum vera heldur óljósa í heild en ljóst sé að hann sé ákærður fyrir háttsemi sem allt að þrjátíu fyrirtæki hafa stundað hér á landi um árabil. Ákært sé fyrir brot á áfengislögum en slík brot varða allt að sex ára fangelsisvist. 

Þá getur sá sem fer með ávinning af slíkum brotum gerst sekur um peningaþvætti í skilningi almennra hegningarlaga, sem varðar einnig sex ára fangelsi.

Netverslun með áfengi Lögreglumál Dómsmál Áfengi

Tengdar fréttir

Lögregla hafi hálfpartinn „hrökklast frá“

Lögmaður netverslunar með áfengi, sem lögregla hafði afskipti af í gær, segir verslunina hafa verið í fullum rétti til að afhenda áfengi, enda hafi lögregla að lokum „hrökklast frá“. Hann gagnrýnir óskýran lagaramma utan um starfsemina, sem lögregla eigi erfitt með að framfylgja.

Framkvæmdastjóri Hagkaups furðar sig á heimsókn lögreglu

Framkvæmdastjóri Hagkaups furðar sig á því sem hann kallar „gjörning“ lögreglu, eftir að lögreglumenn mættu í Skeifuna í gær til að stöðva þar netverslun með áfengi. Hann, eins og aðrir forsvarsmenn netverslana, telur starfsemina innan gildandi laga, sem þó séu meingölluð.

Mál áfengisnetverslana send aftur til lögreglu

Mál tveggja netverslana með áfengi eru komin aftur á borð lögreglu til rannsóknar. Þau fóru frá lögreglu til ákærusviðs í september í fyrra og höfðu þá verið í rannsókn nokkur ár.



Mest lesið


Fleiri fréttir

Sjá meira


×

Mest lesið